O Tangaranho Vermelho

Seis mitos do nacionalismo lingüístico espanhol, por Juan Carlos Moreno Cabrera

2009-06-30T09:37:00.000+01:00

Mais sobre o Irám

2009-06-23T10:00:00.002+01:00

No post anterior eu remetia-me a diverso material que fazia referência a um pretenso mar de fundo revolucionário no Irám, baixo os protestos polos resultados eleitorais. Quereria deixar claras um par de cousas: primeiro que, naturalmente, nengumha afirmaçom que fago a fago alegremente, e em qualquer caso falo a remolque do que vou atopando por aí. Procuro análises desde umha perspectiva de esquerda, que nom som fáceis de atopar, e que muitas vezes som contradictórias. Isto fai que às vezes os acontecimentos sobre realidades que nom conheço muito me apanhem a contra pé. É o caso do Irám, claro. A segunda cousa que quixera deixar clara é que em nengum momento pretendim sequer deixar cair que eu sentia algumha preferência por Mousavi, ou que considerasse que Mousavi era o bom da fita, ou algumha cousa polo estilo. Remarco que, evidentemente, se a questom se reduzisse à luita por quem deve ser Presidente da República, pouco interesse teria para mim.

É óbvio a simples vista que o movimento em si é contradictório, que a sua composiçom é heterogénea. E há quem acusa a certos sectores da esquerda de se somar a um movimento liderado polas classes meias e altas pró-occidentais, que por questons supérfluas e individualistas estám a operar umha revolta em toda regra em favor do candidato que nom por acaso é preferido pola UE, polos USA e por Israel. Apontam-se como casos análogos de "revoltas populares" instigadas exogenamente contra líderes que impertinentemente ganhavam eleiçons contra as preferências dos amos do mundo Venezuela, Georgia, Chile, Sérbia...também nom pode cair em saco roto a resenha de que já se tinha desvelado o intuito da CIA de promover distúrbios de rua para acelerar umha desestabilizaçom do regime iraniano.

Como nom podia ser de outra maneira eu reafirmo a minha nom simpatia pola República Islámica, porque para mim estado e religiom, quanto mais afastados melhor. Ainda que também acho honesto dar resenha a análises nom tam optimistas como a de Alan Woods, por exemplo. Que todas as potências que se jogam algumha cousa em Oriente Meio corram a manifestar a sua simpatia polos protestos, dá para pensar e muito. E desde logo eu nom apoiaria umha intervençom militar americano-europeia-israelí no Irám. Outra cousa é que repudie a umha oligarquia confissional e reaccionária que criminaliza o movimento operário, que demoniza a diversidade sexual, que sequestra a liberdade das mulheres...som contradicçons em diferente plano.

Irám: final da República Islámica?

2009-06-21T14:59:00.003+01:00

Pilhou-me com certa surpresa o que está a acontecer no Irám. Até o de agora nunca se deram enfrentamentos a campo aberto desta magnidom, ou se os houvo, nom houvo méios de comunicaçom occidentais que se fixeram eco deles. Como eu estava um bocado descolocado com todo este assunto, botei-me a investigar.

Parece que, com efeito, há suspeitas fundadas de que o resultado eleitoral é fruto de umha manipulaçom, provavelmente o que na nossa tradiçom costumamos chamar um "pucheiraço". Essa manipulaçom teria a finalidade de evitar que Mousavi, o candidato reformista, accedesse à presidência da República.

Mousavi é o candidato preferido das classes meias, dos estudantes e das mulheres. Também de parte da classe trabalhadora. Quer normalizar as relaçons com os Estados Unidos, quer reconhecer-lhe mais direitos às mulheres e quer acabar com o bloqueio económico. Ahmadineijad é o candidato preferido da cúria.

A minha pergunta era qual seria a postura da esquerda perante o que estava a acontecer. Polo que puidem ver, a esquerda está a participar nas mobilizaçons. A Revoluçom Islámica colocou a umha oligarquia nas estruturas do poder reaccionária e corrupta. E a esquerda vê nesta crise derivada do escándalo das eleiçons o princípio do final para o poder dos aiatolas. Também negam que trás as mobilizaçons populares esteja o braço dos Estados Unidos.

Tudo isto que comento, fago-o ao fio do que puidem encontrar pola rede: algum que outro artigo e posicionamentos de organizaçons iranianas. Polo demais, temos as imagens que se vam colando em sítios como youtube.

Eu o que gostaria é de que isto servesse de ponto de inflexiom e que o que acontece no Irám abra caminho a propostas anti-imperialistas para o mundo árabe que nom passem polo Islám. Oxalá o que afirma a esquerda, quanto a que Mousavi pinta pouco em tudo isto e que sob tudo isto há um mar de fundo muito além da liorta sobre se o Presidente tem que ser Mousavi ou Ahmadineijad, seja certo.

A banca e as fichagens do Real Madrid

2009-06-17T17:41:00.002+01:00

O futebol espanhol está de festa, a competiçom vai elevar o seu nível ainda mais (se couber) porque o eterno rival do flamante tricampiom desta temporada fichou a Kaká e a Cristiano Ronaldo, com o intuito de fazer-lhe duramente a guerra ao Barça, e, se calhar, emular a sua proeza. Em época de crise, falar de fichagens multi-milionários dá como quase entre vergonha e nojo. A qualquer pessoa com um mínimo de princípios, nom lhe pode parecer correcto. Escandalizar, nom é que escandalice muito, pois o esbanjamento e a obstentaçom entram dentro dessa faceta pornográfica do capitalismo. Quiçá o escandaloso, ou quando menos o indignante, som as reacçons que a nível político subscita tudo isto.

Porque no meio do clamor do espectáculo mediático que envolve as fichagens do Real Madrid, resulta que nos inteiramos de que estas fichagens forom possíveis graças à inestimável ajuda económica de Cajamadrid e o Banco de Santander. Por certo...e falando de diferenças entre esquerda e direita nesta questom...Izquierda Unida, nom ajudara à presidentíssima madrilena Esperanza Aguirre no seu assalto ao poder em Cajamadrid? Bom, a questom é que umha das primeiras medidas declaradamente anti-crise do governo ZP foi a de injectar com dinheiro à banca para "salvar o sistema financeiro espanhol", nom lembrades? Supom-se que o sentido da medida (medida que eu nom partilho)é a de assegurar o crédito, claro que depois o crédito...é um privilégio selectivo, como se verá.

Pois bem, quando no parlamento espanhol um grupo parlamentar determinado (concretamente Iniciativa per Catalunya)planteja que se deveram prohibir fichagens de tal custo económico a clubes com problemas de solvência fiscal, tal é o caso do Real Madrid (o futebol em si já é um buraco preto que come cartos e recursos públicos até limites de verdadeira maluquice)a resposta do PSOE foi que nom se pode pretender que o governo do estado intervenha em actividades privadas como a liga de futebol. Hoje na televisom, numha entrevista também dizia que "nom podemos estar pedindo livre mercado e depois pedir-lhe ao estado que intervenha quando nom gostemos de algumha cousa que acontecer" e que "se o Real Madrid gasta tanto nesses jogadores, será porque pode". A isto, objectar três cousas:primeiro que eu mais do que pedir livre mercado, luito contra ele, e tampouco vejo que este seja umha demanda social de primeira ordem, por muito que por outra parte a grande maioria da populaçom nom o ponha em causa de maneira directa. Em segundo lugar, as instituiçons do estado nas suas diversas formas (leia-se estado mesmo, autonomias, deputaçons provinciais ou cámaras municipais) já intervenhem, "salvando" clubes, dando-lhes privilégios no uso de infraestruturas públicas, etc. E terceiro que o Real Madrid poder nom pode, fam que poida fichar porque como dizia a cançom de Queen, "Show must go on". (por certo, que eu aos de IC ainda que nom lhes restaria o mérito da iniciativa parlamentar, lembraria-lhes a "façanha" dos seus companheiros de bancada com Cajamadrid...)

Porque, vamos fazer um pouco de retrospectiva...quem é o Presidente do Real Madrid? O Presidente do Real Madrid é Florentino Pérez. Florentino Pérez é um magnate da construcçom, dono da potentissima ABS, também é dono de TRAGSA e, por certo, liderou a poxa por ENDESA por parte de um sector do empresariado madrileno que estava muito revoltado ante a possibilidade de que esta empresa acabara em maos catalás ou galegas. Para finalmente conseguir que ENDESA nom fora comprada nem por Gas Natural nem por Amáncio Ortega, resulta que a Comunidad Autónoma de Madrid por aquele entom já lhe concedera um crédito milionário ao Florentino Pérez. De maneira que Florentino Pérez é um exponhente importantíssimo da oligarquia madrileno-espanhola. Agora retoma o poder no Real Madrid, onde já ocupara a presidência, e chega prometendo fichagens espectaculares. Dito e feito, mas rabunhando um bocado, aparece de novo a sombra de Esperanza Aguirre, aliás do Banco de Santander, em poder da família Botín, umha das famílias mais ricas do estado espanhol, se nom a que mais. Portanto a operaçom à que acabamos de assistir, pode parecer grotesca e de facto é. Mas é umha operaçom política à que ninguém se opom a sério desde as forças sistémicas.

A liga de futebol, precisamente em tempos de crise, nom pode cair. Se nom há demasiado pam, polo menos que nom falte o circo. Essa é a questom. Todo o mundo admite que as fichagens som caras, mas ninguém ou quase ninguém é crítico com o sistema que as permite. Eu, que som um gajo com má ideia, vejo que a questom é ante tudo a prioridade de que o espectáculo continue e, sendo mais malpensado, até poderia intuir a necessidade política de um Real Madrid forte para evitar cousas como o acontecido em Mestalla na última final da "Copa del Rey"...todos conhecemos o papel sociológico jogado polo Real Madrid no franquismo, e parece que há certa intençom de resgatar isso.

O inquérito sobre a língua nos centros de ensino

2009-06-15T18:11:00.003+01:00

Parece que a ninguém lhe cai demasiado bem esse inquérito que pretende submeter a consulta a língua vehicular das aulas nos centros de ensino. Vaia, vaia, vaia...curioso...e isso que Frijolito inventou a caralhadinha esta covencido de que "era o que o povo queria". Pois nom parece que ao povo lhe caia muito em graça o inventinho do listo de Frijolito. Até estamos a escuitar comentários do tipo de "o galego querem-no quitar, a religiom nom a quitam nem de conha". Bom, parece que ainda há alguns neste povo que polo menos cheiram as jogadas - às vezes um bocadinho burdas- desta maltinha infame.

O inquérito -torpe paripé para depois fazer o que lhes saia de dentro- nom era o que o povo queria, nom. Era o que Gloria Lago queria. O povo traga muito, é crédulo, é ingénuo, mas as vezes a manipulaçom é tam ruim que se revolta. Repartir papelinhos com respostas induzidas e perguntas tendenciosas nom é democraia, nom é escuitar ao povo. É umha tomadura de pelo. E até os parvos se acabam dando conta de quando os puteam.

Recapitulaçom geral, dous messes depois

2009-06-10T15:29:00.003+01:00

Depois de dous messes de parom por questons de diversa indole, de novo o Tangaranho tira a luz um post, para fazer repasso do que veu ocorrendo do 15 de Abril, até hoje.

Eleiçons europeias, arrasse da direita, e parece que polo meio nada acontece, quando nom é assim, polo menos no nosso país. Antes, a grande manifestaçom pola língua; por certo: declaraçons de Gloria Lago (virgen y mártir)"la gente que defiende el gallego lo hace por dinero"...animalada número nom sei quantos de Gloria Lago, sem que em La Voz de Galicia saia ninguém a replicar-lhe, todo o contrário. Por se for insuficiente a tribuna que já lhe dam, desproporcionada do ponto de vista da sua representatividade social, sai um dos gorilas editoriais de LVG na sua defesa, dizendo que é umha vítima de nom se sabe quê...ela que cada vez que abre a boca é para agredir a alguém. "Yo pensaba que era por una cuestión romántica, pero me he dado cuenta de que hay mucha gente que vive de la lengua". Desfazatez sem limites...ou propaganda fascista da velha escola, é-vos como o conto do ouro de Moscova, um conto velho mas eficaz. As dúzias de milhares de pessoas que se derom cita em Compostela o 17-M eram assalariados da língua, devemos entender. Reclamo a minha parte, logo. Se pagam nalgumha parte por defender a língua, que me paguem a mim também. Onde há que se apontar? Para idealistas já estám os trescentos e tal madrilenhos que vinherom a Compostela a emular ao Cid Campeador...marcha triunfal de ex-guerrilheiros de Cristo Rey, membros numerários do Opus Dei, catecúmenos, ouvintes alporizados da COPE e falangistas que nem vestidos de Armany disimulam a caspa..idealistas do Século XXI!!!

...e greve do metal, com repressom preventiva e polas costas. A categórica instáncia dos empresários pontevedreses (disparen, coño) e a diligência dos esbirros a atacar arbitrariamente e polas costas, para causar mais baixas. Os bustos parlantes a enrugar as frentes, afogando o berro airado da dona de casa a berrar-lhes aos anti-distúrbios (Que no estaban haciendo nada, hijos de puta!!!)E o povo viguês, com o proletariado do metal, mecaghondios, como tem que ser. Nom tudo é a Galiza pepeira, há outras cousas, há outros agires e outros entenderes que respiram por baixo e, às vezes, saim à superfície. Eram estes assalariados da luita de classes? Para idealistas já estám o das porras e os capazetes, esses sim que vos tenhem ideais. Sonhavam que um dia eram heróis do povo. Desta vez nom vai ser. Sempre haverá umha velha na veranda daquele prédio a vos berrar...Que no estaban haciendo nada, hijos de puta!!!

Sim que estavam a fazer...estavam a lhe dar exemplo a umha classe proletária que continua no seu pesado sono.

O golpismo de La Voz de Galicia

2009-04-15T15:09:00.003+01:00

Vou comentar hoje - com um bocado de retardo - umha entrevista publicada em La Voz de Galicia que bem poderia ser qualificada de exemplo em grao máximo de jornalismo de cloaca, a parte de ser a enéssima mostra da linha editorial golpista, amarelista, e cada vez mais próxima à extrema direita de La Voz de Galicia.

Um rosto e umha mensagem:"No se sabe por dónde va a explotar el hastío del pueblo venezolano". A ameaça número nom sei quantos de um líder opositor contra o governo legítimo da Venezuela. Os democratas galegos temos que suportar ver como o jornal de maior tiragem da Galiza, líder de vendas e mais lido no nosso país presenteia linhas à enferma e reaccionária oposiçom venezuelana. Nom se sabe por onde vai estourar o enfastio...ou seja, devemos entender que a direita e a extrema direita venezuelanas nom renunciam a ganhar a golpe de baioneta o que nom parecem capazes de ganhar nas urnas. Organizarám umha asonada militar, ou umha entrada triunfal dos marines norte-americanos, e dirám que foi o povo quem se sublevou. Eu quixera saber porquê Chávez, o Presidente de Venezuela, o eligido pola maioria dos venezuelanos, nunca foi entrevistado por La Voz de Galicia. Ainda que poido intuir a razom dessa omissom.

O rosto que acompanha a ameaça, ou acompanhado pola ameaça:um cabrom qualquer. Nem a pena paga dizer o seu nome. Quem é este tipo? Hugo Chávez é o Presidente da Venezuela...e ele? Ah, claro! Um destes elementos que tenhem que ter razom porque o di o vozeiro principal dos fachas chuleadores de democracias e conquistas populares. Senhor Santiago Rey Fernández-Latorre e colegas, seqüazes, empregados e seguidores...de umha vez por todas, deixem de dar a brasa!!! Hugo Chávez é o Presidente da Venezuela porque os venezuelanos o querem assim, ponto e final. É que a democracia só vale quando ganham os que vocês querem? Já chega!!!

Certamente, o enfastio do povo nom se sabe por onde vai estourar, mas vai ser nom contra o governo legítimo da Venezuela...vai ser contra estes impostores que o andam a insultar polo mundo adiante, ponhendo em causa o seu critério democrático.

Apresentaçom de "La conjura contra Cuba"

2009-04-11T11:50:00.002+01:00

O jornalista Pascual Serrano apresentou o seu livro "La Conjura contra Cuba", onde se desmascaram muitas falácias, lugares comuns e mentiras dolosas contra a revoluçom cubana.

Re-apertura do Gaioso

2009-04-05T15:48:00.002+01:00

Até que enfim, o re-encontro com @s companheir@s do Gaioso. Esta sexta foi um grande dia.

Impressionantes imagens de Londres

2009-04-02T11:15:00.002+01:00

Protestos contra o G-20 em Londres...

Maricrista09

2009-03-23T20:00:00.002Z

http://panterasgz.blogspot.com/2008/04/paixom-de-maricrista.html

Conspirando por umha rádio livre

2009-03-17T12:12:00.001Z

Pepe Rubianes, In Memoriam

2009-03-01T16:11:00.002Z

Inteirados do falecimento do actor Pepe Rubianes, colamos este vídeo de homenagem.

Entrevista a Gema Branco

2009-02-26T13:28:00.002Z

Entrevista feita por A Nosa Terra a Gema Branco Martins, candidata número 1 de NÓS-UP pola Corunha

NÓS-UP, a força política mais comprometida com a língua

2009-02-20T08:38:00.002Z

Segundo a Coordenadora de Traballadores de Normalización de Língua, NÓS-Unidade Popular é a força que mais espaço dedica no seu programa à questom lingüística, de entre todas as forças que concorrem às eleiçons autonómicas de 2009. Sempre segundo o estudo realizado por este organismo, NÓS-UP dedica um 12,5% do espaço do seu programa à língua, sendo de longe a que mais destaque lhe dá à política lingüística, contrastando com a quase nula presença da língua no programa de Esquerda Unida ou a absoluta beligeráncia com o galego da UPyD. Este 12,5% é muito superior ao espaço que lhe dedicam ao idioma o BNG (2,4%), o PSOE (0,2%),ou a FPG (6,7%)

Que cadaquém tire as suas próprias conclusons. Eu compreendo que nom apenas se trata de espaço sobre o papel, também se trata do modelo polo que se aposte...de todos os jeitos, eu também me remitiria à campanha de cada partido:o BNG, a dizer "que também se dirige aos cidadaos castelhano-falantes", como pedindo perdom por ser nacionalista, ou por ser um projecto político (ainda) pensado em galego, com o Quintana a pressumir de que os seus filhos sejam castelhano-falantes, ou com a Teresa Táboas a dizer que às vezes fala castelhano; ou Esquerda Unida, com a Yolanda Díaz a criticar a morneza do bipartido em matéria lingüística, quando é óbvio que a sua força política nunca se preocupou dessa questom, como se despreende já das atitudes lingüísticas da sua militança e dos seus cargos públicos.

De qualquer jeito, para mim um contraste definitivo é o do 8 de Fevereiro. Quando queiramos analizar o compromisso real de umha força política, perguntemo-nos: onde estavam estes o 8 de Fevereiro? Na casa cagando polas cuecas, ou dando a cara? Já sabemos quem estivo em cada lugar...também sabemos quem estava do outro lado do cordom policial.

Vídeo eleitoral de NÓS-UP

2009-02-16T08:28:00.001Z

Algumhas reflexions sobre o acontecido neste Domingo em Compostela

2009-02-11T12:11:00.003Z

Nom pretendo com este post fazer um artigo de opiniom. Poderia fazê-lo, porque, modéstia à parte, as minhas dotes literárias, ainda que modestas, dam para tal. Mas já se escreveu tanto sobre o tema que o tal artigo nom ofereceria realmente atractivos para serem lido. Muita gente opinou já na internet sobre este tema, e todos tenhem mais capazidade do que a que eu tenho para expressarem o que pensam. E como com alguns estou plenamente dacordo, pois já me sinto representado polo que esses artigos dim. O que escrevo hoje, simplesmente é para consumo interno deste blog. Para que fique constáncia de que quem promove o tangaranho vermelho nom fica indiferente sobre as muitas cousas que acontecerom em Compostela, todas dignas de análise, ou quando menos de comentário.

1.- Sobre o significado da manifestaçom de Galicia Bilingüe. Há quem aceita de princípio que a manifestaçom promovida por GB é simplesmente um exercício de liberdade de expressom por parte de um sector da cidadania galega que está em desacordo com a política lingüística da "Xunta de Galicia". Isto seria assim, se nom se deram algumhas circunstáncias a considerar. Em primeiro lugar, os objectivos confessos da convocatória: dar com a Lei de Normalizaçom Lingüística e o "decreto do 50%" no chao. Isso é ir muito mais aló da crítica à gestom de um governo. Porque resulta que as duas cousas som anteriores à chegada do executivo presidido polo senhor Touriño a Sam Caetano. Isso é carregar contra o esquelete, contra o próprio corpus legal que garante (com todas as aspas que lhe queiramos pôr)a presença pública do galego nas instituiçons em geral e na educaçom em particular.Depois está a questom de se toda essa legislaçom se cumpre ou nom e como se cumpre. Mas sem marco legal, nom há nem garantias nem marco para desenvolver a normalizaçom do galego.
Em segundo lugar, a contradicçom entre a ideia força que servia como reclamo para aglutinar entorno à convocatória e o que propugnam as forças políticas apoiantes da mesma. Ou seja, bilingüismo versus o modelo sócio-lingüístico que já nos podemos imaginar que defenderám organizaçons como a Falange ou Democracia Nacional. Ou o modelo que já conhecemos do PP, porque o sofremos durante muitos anos, ainda que na "era Feijoo" esse modelo se revisa e deriva cara umha maior radicalidade na defesa da supremacia do castelhano.
E em terceiro lugar, a introducçom de um elemento claramente desvirtuador que é a concorrência de um número indeterminado mas elevado em todo caso de pessoal de fora da Galiza. Circula por aí a informaçom de que chegarom nesse dia a Compostela até doze autocarros procedentes de Madrid. O cálculo seria multiplicar 12 por 55. Isto dá mais de 600 pessoas chegadas de Madrid. Mas o número de participantes de fora do país nom se resolve com esta operaçom, porque também se sabe da arrivada de autocarros desde o País Valencià e desde Euskadi.700 ou 800 pessoas de fora da Galiza, numha manifestaçom de Galicia Bilingüe, teoricamente para reivindicar o bilingüismo na Galiza? Numha manifestaçom de 4000 pessoas? Demasiado peso do elemento foráneo, nom é?
Essa concorrência massiva de pessoal de fora, tomando partido sobre umha situaçom que eles na prática desconhecem e nom lhes afecta, converte umha manifestaçom de umha associaçom com domicílio na Galiza num desembarco de supremacistas espanhois. Tal qual. Que nom venhem aquí a reivindicar um cámbio concreto na política concreta de um governo concreto, precisamente.

2.- 7.000, 4.000...sucesso ou fracasso? Nom houvo transparência na afluência de manifestantes à convocatória e isso tem umha explicaçom bastante singela. Para nada interessa que tenhamos dados mais ou menos sérios ou fiáveis da afluência. A foto do desfile supremacista chegando à Quintana é o que importa. A procissom, chegando do seu desfile triunfal em louvor de fuziles e porras, encabeçado pola diva supremacista Gloria Lago e a mártir Rosa Díez. E o titular de imprensa: umha manifestaçom contra o galego na Galiza. Foi um sucesso, porque a nom ser que a manifestaçom nom lograra sair, a manifestaçom ia ser um sucesso. Por decreto dos média oficiais.

3.- Sobre a conveniência ou nom de responder este tipo de manifestaçons. Só quero que aqueles que tanto criticam as contramanifestaçons se perguntem como estaria o panorama a nível mediático se a manifestaçom tivesse saido sem problemas. Quê clima social deixaria? Seria suportável para os que defendemos o galego?

Resoluçom dos prémios "Dardos" (por fim)

2009-02-03T10:48:00.002Z

A deliberaçom foi tensa e intensa, e nom por isso menos gratificante. Confesso que nunca antes a equipa do Tangaranho se vira tam imersa num debate tam sumamente vivaz. E é que o nível dos aspirantes ao prémio era tam alto, que era difícil decidir-se por apenas três.

Trás muitas horas de discusom (mais das previstas) e com a sensaçom inevitável de deixar sem premiar a quem provavelmente o merecia, resolvemos conceder o prémio Dardos, em categorias arbitrariamente estabelecidas, aos seguintes blogues:

- Melhor blogue com conteúdo solidário a Galiza por Palestina, umha associaçom internacionalista que colabora em projectos de interesse social na Palestina e que, como já dixo o seu presidente, fai-no com a perspectiva de que o povo palestiniano continue a resistir, e nom para que se rinda

- Melhor blogue de narraçons de ficçom e nom tanta ficçom ao espaço de Suso Lista, o já ex-percebeiro do Roncudo

- Melhor blogue de cousas metafísicas, mundanas e demais a Ovnis e Issoglossas, gerido polo incombustível Igor Lugrís.

E aos que nom levárades prémio desta vez, ánimo e a seguir trabalhando.
Recordar que as condiçons a posteriori do prémio passam por exibir o selo do mesmo, dar o linke para o blogue que concedeu o prémio e conceder o mesmo prémio a outros blogues da eleiçom dos premiados.

Premiados!!!

2009-01-30T09:40:00.002Z

Este blog foi distinguido com o prémio Dardos, polo amigo de Estrela Padeira. Concretamente, recaiu em nós o prémio Dardos à melhor trajectória blogueira. Para cumprir com as condiçons do prémio, o Domingo nós também mencionaremos três blogues merecedores ao nosso juízo de tal prémio nas diferentes categorias.

A História repete-se...com os papeis mudados

2009-01-25T14:17:00.004Z

Sem comentários...

Música internacional pola causa palestiniana

2009-01-21T15:25:00.002Z

Desde Euskal Herria, Castilla, Japom e a própria Palestina, colaboraçom internacionalista entre músicos, solidarizando-se com a causa palestiniana

Manifestaçom de Galiza com Palestina

2009-01-19T17:11:00.007Z

Ontem puxo-se de manifesto a força do movimento de apoio à causa palestiniana na Galiza. 15.000 pessoas na Quintana. Chamando de genocida ao estado de Israel. Dando ánimos à resistência.

Estivo alí toda a esquerda; desde os ácratas até o Bloque, passando polos independentistas ou Esquerda Unida. Houvo inclusso membros do governo autonómico. Eu o que espero é que Anxo Quintana tomara boa nota da mensagem que lhe dirigirom no manifesto: queremos que o governo autonómico se pronuncie claramente a favor do direito de autodeterminaçom do povo palestiniano. Ou que, polo menos, o BNG o intente; que leve o tema ao próximo Conselho da Junta.

Esta manifestaçom tivo uns preámbulos difíceis, o manifesto foi edulcorado para que alguns puideram assomí-lo sem problemas. Inclusso houvo maniobras para intentar meter ao PSOE na convocatória. Particularmente penso que, os que tenhem poder institucional já tenhem umha frente na que trabalhar. Eles obstentam o governo do estado. Já conhezem a reivindicaçom: expulsom da representaçom diplomática israelí no estado espanhol e interrupçom de relaçons comerciais. Estám dispostos a fazê-lo? Evidentemente nom. Entom quê pensavam fazer na convocatória, como nom fora matá-la...?

Tod@s a Compostela!!!

2009-01-16T10:17:00.002Z

Este Domingo, toca manifestar-se. Polo fim das agressons militares à populaçom palestiniana. Pola liberdade do povo palestiniano. Contra Israel. Às doze na Alameda de Compostela.

Ajuda para Gaza? Armas!!!

2009-01-14T16:37:00.002Z

Quê podem estar necessitando em Gaza agora? Pois todo tipo de bens, porque estám bloqueados, por decreto de Israel e os seus cúmplices. Medicinas, equipas médicas, conbustível, comida....e armas. Porque é necessário que esta guerra a ganhe o povo palestiniano.

Este nom é um problema de proporçom, é um problema de justiça. A situaçom é injusta de raíz, e esta operaçom militar de Israel é portanto injusta e injustificável, por pretender avançar na aniquilaçom do povo palestiniano. Israel, o agressor, deve ser derrotado. Por isso concordo com Iñaki Gil.

Concentraçom no Obelisco às 20:30

2009-01-10T09:26:00.000Z

Mensagem de paz e solidariedade

2009-01-08T13:10:00.002Z

A cega violência sionista segue a assassinar em Palestina e o fascismo espanhol segue a ensanhar-se com Euskal Herria. Como queremos chegar a umha soluçom, se nom há intençom de chegar a entendimento nengum. Diálogo entre comunidades, entre povos, entre sociedades. Conhezer-nos melhor. Isso faria falta. O problema é que nom estamos dispostos.

Justo antes das festas do Natal fixerom-lhe esta foto ao tangaranho, com a sua amiga Nekane. Um abraço internacional, dos que fam falta. Sem medo nem desconfianças, nem ódio gratuito e cego ao vizinho.

Palestras sobre Venezuela

2009-01-06T16:42:00.001Z

Crónica gráfica de um novo "sucesso" militar

2009-01-05T12:06:00.001Z

Isto para que se saiba das "façanhas" do exército israelí em Gaza

O que nom contam do que acontece em Gaza

2009-01-03T12:38:00.002Z

Dous documentários acaidos com a actualidade, úteis para conhezer a perspectiva do lado silenciado.

Imagens da festa irmandinha

2009-01-02T11:20:00.002Z

A manifestaçom pola oficialidade, a brutal repressom da polícia, o jogo da Irmandinha e o concerto

Acabou-se a mama toda!!!

2009-01-01T12:20:00.002Z

Vamos começar o ano com humor. Concretamente com umha pequena escolma de vídeos de um personagem de um programa da SIC chamado "Vai tudo abaixo". O personagem em questom é o Black Skin e vem sendo um skinhead fascista, mas com umha característica muito peculiar que é a cor da sua pele, o que provoca situaçons estranhas e chocantes. Se atopárades a um fulano assim pola rua, o quê fariades?

Palestina vencerá!!!

2008-12-29T15:39:00.002Z

Mensagem de Natal de Mahmoud Ahmadineijad

2008-12-26T15:33:00.002Z

Nom tenho nengumha intençom de partir lanças por determinados líderes mundiais, mas...o quê laiou na mensagem natalícia de Ahmadineijad, para que a sua mensagem fora censurada no democrático UK? Vejamos...e que cadaquem tire as suas conclusons...

Os avanços na cooperaçom venezuelano-cubana

2008-12-24T11:34:00.002Z

Hoje, quatro vídeos sobre os projectos comuns de Cuba e Venezuela e sobre a visita de Raúl Castro à República Bolivariana

Paremos a repressom contra o movimento associativo corunhês

2008-12-19T11:16:00.002Z

Comunicado do Centro Social Gomes Gaioso

O 23 de Dezembro estám chamadas a declarar nos julgados da Corunha cinco pessoas, todas elas pertencentes a associaçons desta cidade, do ámbito do galeguismo cultural ou da esquerda, por pretensos incidentes relacionados com actos em resposta ao desfile/acto mediático fascista protagonizado pola fantasmagórica Mesa por la Libertad Lingüística, que foi aliás arroupado por diversas entidades da extrema direita (chamativa a presença de Democracia Nacional e de Falange Española de las JONS) convocado para reinvindicar a derogaçom da Lei de Normalizaçom Lingüística e o decreto do galego no ensino. Entre os imputados há membros do Centro Social Gomes Gaioso, mas também forom chamadas a declarar algumhas entidades como tais: Briga, a Associaçom Cultural Alexandre Bóveda, o Centro Social Atreu e, surpreendentemente, as associaçons Arestora e Xacarandaina.

Estas pessoas e colectivos som acusad@s de “alteraçom da ordem pública”. Pola parte que nos toca, diremos que, com efeito, nom ficamos calad@s nem ficaremos perante as agressons que a língua padece nesta cidade e denunciaremos publicamente a toda instituiçom, associaçom, grupo de pressom ou indivíduo que se destacar na nossa cidade pola sua beligeráncia contra o galego. Nada se nos pode botar em cara por isso, antes ao contrário, o escandaloso é o silêncio inexplicável de alguns e algumhas, ou a morneza, atitude que ante o cariz que está a tomar a situaçom tampouco tem cabimento, dentro dos parámetros da decência moral e intelectual. Por isso, temos que manifestar o nosso total apoio ao grupo de sóci@s imputad@s.

No que di respeito à extensa e variopinta listagem de associaçons chamadas a declarar, só cabe dizer que isto constata a intencionalidade deste juízo, que se vai converter num processo ao associacionismo cultural e à esquerda corunhesa, sob o pretexto de defender o direito à manifestaçom de umha entidade de origens, composiçom e finalidades nom precisamente transparentes nem democráticas, como também nom destacada por atesourar essas qualidades no seu discurso nem no seu agir . Parece que os elementos reaccionários da fiscalia e a judicatura corunhesa funcionam em perfeita sincronizaçom com o fascio corunhês.

Desde o Centro Social Gomes Gaioso denunciamos e condenamos a criminalizaçom ao movimento associativo, ratificamos o nosso compromisso até as últimas conseqüências com a língua e a cultura galegas e apelamos à solidariedade de toda entidade que se considere acreedora de tal compromisso.

Na Galiza em Galego!!! Na Corunha, em Galego!!!

Novidades sobre o jogo da Irmandinha

2008-12-18T09:57:00.002Z

Parece que as cousas se vam reconduzindo, a respeito do jogo da Irmandinha. Assim o aguardamos. Siareir@s Galeg@s continua adiante no seu programa de actividades, depois de que a Directora Geral para o Desporto afirmara em rolda de imprensa que nom havia suspensom do encontro entre Galiza e Chile, já que nom havia sequer comunicaçom oficial de tal suspensom e que, em qualquer caso, se tal suspensom se produzia, a Direcçom Geral ia exigir umha compensaçom económica, aliás de que haveria jogo igualmente com algum rival alternativo.

Portanto, parece que nos vemos o dia 27 na Corunha...

Ficaremos sem jogo da Irmandinha?

2008-12-17T09:23:00.002Z

Ontem deitavamo-nos com a notícia de que já havia convocatória tanto da selecçom feminina como da selecçom masculina de futebol. Agoirava-se umha grande festa na Corunha. Mas hoje acordamos com a notícia desagradável de que o jogo da masculina nom se vai desputar. A explicaçom que se dá no web do Sindicato de Futebolistas de Chile é, simplesmente, que os clubes nom estám dispostos a ceder jogadores para este encontro, que nom se atopa no calendário oficial FIFA. Alguns méios davam a notícia especulando entorno a discrepáncias sobre termos do contrato. A instáncias oficiais, ninguém fala polo momento de tais discrepáncias.

No web Deporte Galego, por enquanto nom há nengumha informaçom ao respeito, e vieiros fala de umha reuniom de urgência entre representantes da Conselharia de Cultura e Desportos e responsáveis federativos para procurar algumha alternativa, ainda que resulta lógico pensar que em dez dias pouca soluçom terá isto.

O único que se nos ocorre é encorajar à afeiçom a que envie correios electrónicos de maneira massiva ao Sindicato chileno para fazer-lhes notar que na Galiza há um profundo malestar por esta decisom e que nom o jogo contra Galiza nom merece ser tratado como umha cita de segundo nível. Também mandar à Direcçom Geral para o Desporto e-mails a pressionar para que se desfaga o entorto de algumha maneira: negociar outra data ou procurar outro rival...

Sobre a selecçom chilena de futebol

2008-12-15T10:15:00.002Z

A selecçom chilena tem um historial bastante digno, com sete participaçons mundialistas. A sua melhor classificaçom num mundial registrou-se no ano 1962, no qual conseguirom o terceiro posto, trás ganhar na final de consolaçom frente à Jugoslávia. Outros logros a salientar som os seus quatro sub-campionatos na Copa América, aliás do bronze olímpico conquistado em Sidney 2000, o terceiro posto obtido no mundial sub-20 do ano 2007 e o sub-campionato no Torneio de Esperanças de Toulon de 2008.

Estamos, portanto, perante umha selecçom com tradiçom e história, e, aliás, dá-se a circunstáncia de que estamos também perante umha grande geraçom de jogadores, que a nível de categorias de base já demostrou a sua valia. É certo que nom figerom um bom jogo perante Espanha, mas nom deixa também de ser certo que nom jogou com boa parte das suas figuras. Esperemos que à Corunha venham com as melhores armas do seu arsenal.

E o 27, contra Chile

2008-12-14T18:19:00.002Z

A selecçom masculina absoluta da Galiza vai jogar o 27 de Dezembro na Corunha contra Chile. A selecçom chilena tem um considerável historial de participaçons na Copa América e no Munial, ainda que nos últimos anos passou umha época um bocado escura. Em qualquer caso, é um rival digno, de um nível meio, que vai apresentar batalha suficiente como para oferecer um confronto vistoso e com tensom. Suponho que, um vez que saibam da qualidade de alguns dos nossos jogadores e da história recente da nossa selecçom (essa vitória frente a Uruguai e esses empates com Equador e Camarons) os chilenos virám motivados. Aliás, este jogo vai-lhes dar umha oportunidade para melhorar a imgem dada frente a Espanha, contra a que perderom 3-0 recentemente.

É interessante fazer história sobre a nossa selecçom, que maiormente se enfrentou a combinados de outras zonas da Península, excepçom feita daquele jogo disputado no ano 1923 contra Inglaterra e que acabou com um resultado de 7 - 2 a favor dos nossos, e dos recentes jogos contra Uruguai, Equador e Camarons.Podemos ver que, à pesar de que nunca foi possível ver à Irmandinha em competiçons oficiais, os seus números som impressionantes.

Galiza disputou como tal treze jogos, dos que ganhou sete, empatou dous e perdeu quatro. Salientar que, a maior chosca recebida tanto como locais como de visitantes, foi a maos da selecçom de Ponte Vedra (0-3 e 4-1)As maires goleadas a favor, forom na casa contra um combinado Ferrol/Corunha (7-1)e fora contra Andaluzia (1-4)

Nestes treze jogos Galiza marcou 37 golos, recebendo 23. Som umhas estatísticas que já quixeram para si muitas selecçons que jogam competiçons oficiais.

Agora esperemos que Chile passe a ser outra das equipas batidas pola nossa selecçom, e que essa vitória contribua a abrir caminho a umha futura oficialidade. Que se vaia vendo como os mitos caim com só dar a oportunidade de jogar em igualdade de condiçons...

Pendurar aos nacionalistas

2008-12-12T12:43:00.002Z

Fraga Iribarne nega-se a deixar este mundo discretamente. Podia dedicar-se a jogar ao dominó na sua taverna favorita de Vilalba ou regar as plantas do seu chalé de Perbes...vaia, podia disfrutar dos seus últimos anos de vida placidamente e sem amolar a ninguém, já que a "suave" transiçom espanhola nom o levou por diante, apesar dos muitos mortos que se lhe podem atribuir. Ao leom de Vilalba nom lhe agrada a presença de nacionalistas bascos, catalans, galegos...no parlamento espanhol, e di que "havia que ponderá-los pendurando-os de algum sítio".

Homem, eu nom votei nas últimas eleiçons gerais, nem creio que o faga nunca, a nengum desses partidos que tanto lhe estorvam ao senhor Fraga, mas eu temo que trás este razonamento está o de sempre: a incapazidade para encaixar a pluralidade política e o pretender ditar umhas regras do jogo diferentes para uns que para os demais.

Enfim, que está mais enrugado e mais coxo, com a voz mais quebrada, mas é o Fraga de sempre...

Aquí nom se inventa nada

2008-12-08T13:03:00.002Z

A reacçom costuma apresentar qualquer medida de avanço nos direitos sociais ou civís como extravagáncias, ocorrências da gente progre. O que parece claro, é que a história nom é lineal, que tem os seus ires e vires. Os seus avanços e os seus retrocessos.

Vai resultar que o das "vodas gais" nom é um invento dos nossos tempos. E vai resultar que a igreja nom sempre tivo a mesma postura. E se ficar algumha dúvida, olho a este artigo em vieiros.

Isto pode fazer bambolexar os esquemas de mais de um, ou?

Bye bye, Pai Natal: reivindiquemos ao Apalpador!!!

2008-12-04T09:10:00.001Z

Copia e difunde...

Europa luita contra a crise (V) : Greve do comércio retalhista

2008-12-03T15:30:00.001Z

Ver crónica no web da CIG

Solidariedade urgente com Hodei Ijurko

2008-12-02T09:30:00.002Z

Deste blog fazemo-nos eco do chamado à solidariedade urgente com o preso basco Hodei Ijurko que se fai desde o organismo anti-repressivo Ceivar. Este patriota basco leva em isolamento desde Maio de 2008, sendo vítima de um trato brutal por parte do funcionariado da prisom de Teixeiro.

Cantar em raro

2008-12-01T09:26:00.002Z

Há bastantes anos, quando começava a agromar o rock catalá, lim umha entrevista aos componhentes de Sopa de Cabra, na que alguém dezia algo assim como: "é fácil que um fan de Sopa de Cabra vaia a um concerto de El Último de la Fila, mas nom é tam fácil que se dea o caso ínverso". Impactou-me relativamente lêr aquilo, porque eu daquela tinha a ideia de que os preconceitos lingüístico-culturais na minha em muitos aspectos admirada Catalunya eram cousa superada. Tardei em viajar a Catalunya para compreender que nom é assim. Em qualquer caso, nesse comentário vim reflectida também a realidade do nosso país. É dizer, há gente que nom consume cultura em galego por princípio. De facto, se eu digo que tal banda galega nom me interessa porque canta em espanhol, já sabemos qual vai ser a crítica que me fagam, mas nom choca que alguém diga que nom lhe interessam os escritores em galego, nom lhe interessa a música em galego, etc.

Os méios de comunicaçom, públicos ou privados, seguem a dia de hoje sem dar muito cabimento à música feita "noutras línguas do estado", e a indústria tem muito claro a quê lhe quer dar saida. Nesses termos é que se venhem expressando os membros de Antònia Font numha entrevista publicada em vieiros.

Os noventa virom florescer o pop e o rock feitos em galego, asturiano, aragonês, euskara, catalá...mas a metrópole segue a fazer ouvidos surdos a estas propostas. Parece que à cosmopolita Madrid lhe sai o sarabulho se tem que assimilar umha realidade tam óbvia como que o atlas lingüístico peninsular é complexo, e que portanto existe umha diversidade à que é inútil virar as costas.Talvez haja quem pense que estamos a falar de manifestaçons anecdóticas...eu penso que em qualquer caso, independentemente de se som mais anecdóticas ou mais trascendentais, som claramente inevitáveis.

XXXIII aniversário

2008-11-20T09:35:00.003Z

Morreu na cama, e nom pendurado do pescoço numha praça pública. Mas deixou umha fonte inesgotável de piadas.

Piratas no Índico

2008-11-19T15:35:00.002Z

A mim parece-me que o que se prepara, quando se fala de mandar forças internacionais às costas de Somália, nom é exactamente umha cruzada contra a pirataria. Se pensamos um pouco, no Corno de África há petróleo, nom é? Somália acaba de estar em guerra com um país aliado de Israel, concretamente Etiopia, nom é? Somália sofreu há uns dez anos bombardeamentos por parte da aviaçom ianque, sob a acusaçom nunca provada de acubilhar ao Ben Laden, nom é?

E como é que agora nos lembramos de que no Índico há piratas? Porquê nom lhe perguntamos a centos de marinheiros galegos que tenhem faenado durante as últimas décadas nas costas de Somália, Namíbia, Moçambique, a ver se havia piratas ou nom? Algo cheira a podre...

O Tangaranho entrevista a Núñez Feijoo

2008-11-16T10:44:00.003Z

Hoje tenho umha cita bastante especial, estou algo nervoso. O Tangaranho está a ponto de marcar um novo fito histórico na sua andaina, depois de entrevistar a Maraino Rajoy. Pensamos que depois do tumultuoso final do nosso encontro com Dom Mariano na cafetaria Manhattan da Corunha, nom seria fácil contactar com outros persoeiros do PP, mas Alberto Núñez Feijoo nom puxo excessivos reparos em concertar umha entrevista comnosco, a cámbio de um almorço num restaurante compostelano cujo nome nom desvelaremos.Suponho que os tambores de contenda eleitoral animarom ao líder popular a abrir-se ao diálogo com outros méios que nom forem os afins.

Apresenta-se aparentemente afável, com esse sorriso que sempre me puxo tam nervoso. Ficamos em pedir umha dosse de cozido e outra de chipirons. De beber, pedimos auga, porque os dous queremos estar lúcidos para a conversa. Naturalmente, falamos de eleiçons e falamos também de que vai acontecer trás umha hipotética vitória eleitoral do PP. Também falamos doutras cousas relativas a actual legislatura; conflitos como o dos armadores, as greves do transporte, a Lei do Solo, a paralizaçom do Plano de Desenvolvimento Rural, a zozobra da comissom do novo estatuto e o controvertido acordo sobre política lingüística. A conversa desenvolve-se animada, em princípio. Ainda que, obviamente, o líder conservador mantem um tensionamento lógico em quem sabe que nom está a falar com alguém que lhe vai facilitar o sair airoso das perguntas.

OTV.- Senhor Feijoo, nós quixéramos saber, como méio galego na internet, qual é exactamente a postura do PPdeG a respeito da língua, porque certamente há cousas que nos desconcertam e nos inquietam. A semelhança entre o discurso do PP e o de Galicia Bilingüe é cada vez mais manifesta. A nom subscripçom do último acordo sobre política lingüística, a rotunda negativa do PP a incluir no borrador do novo estatuto o dever de todo cidadao a conhezer a língua galega, a pretensom de tirar-lhe ao galego a condiçom de língua oficial...tudo isso parece conduzir-nos à expulsom do galego da vida pública.
NF.- Eu sabia que esta pregunta ia surxir, non vaia pensar que me sorprende. Insistentemente, o nacionalismo está a divulgar a mentira de que estamos en contra da normalización do galego, pero creo que é innegable que quen mais fixo pola normalización do galego foi Fraga. Antes de Fraga, non vale a pena nin imaxinarnos a Galicia, nin imaxinarnos o galego. Non paga a pena, porque, a quen lle interesa a historia de Galicia, realmente? A pertinencia histórica de Galicia como tal non é interesante para o pobo galego, que non está preocupado por cuestións identitarias. O simple feito de que ese grande estadista que é Don Manuel se lembrase do seu terruño, do que non tiña ningunha obriga de lembrarse, porque el é un home universal, que pensa universalmente, sen localismos impertinentes, xa en si é un xesto que engrandece a sua persoa e situa a Galicia no mapa en todos os sentidos. A gratitude dos galegos a Don Manuel por isto deberia ser infinita, pero está claro que de momento hai sectores radicais que non están dispostos a recoñecer a grande obra de Don Manuel. Seguro que a historia saberá poñer a cada un no seu lugar. A cousa é que, se Don Manuel nos situou no mapa, en esencia isto tamén implica que fixo moito polo galego, pois evidentemente tendo en conta que Galicia nin ten nin debe ter peso por si mesma, conlevando isto que ninguén ten porqué saber que existe, antes de que Manuel Fraga tomara posesión do seu cargo de Presidente en 1989 ninguén tiña porqué saber que existia a lingua galega. De feito, para qué queren os nosos paisanos saber que falan unha língua, se a fin de contas viviron ben e en paz sen sabé-lo até agora? Enfin, son ganas revoltá-lo todo. O normal é que as cousas sigan como sempre foron, esa é a verdadeira normalización.

OTV.- Portanto, daí se deriva que o galego nom deve ser idioma oficial da autonomia
NF.- No Partido Popular estamos a favor do galego, pero sen imposicións. O que non pode ser é que un señor de Valladolid non poida facer oposicións á Xunta. Queremos un país de cidadáns libres e iguais. E aos cidadáns non se lles pode marear con temas lingüísticos. Que ten de malo que os funcionarios se dirixan aos cidadáns en castelán ainda que estes soliciten atención en galego? Nin que o galego fora tanta cousa! Agora resulta que o galego é importantísimo! Se é tan importante porqué non o foi antes? Porque desde logo, cando eu estudaba non o era... xa bastante temos os cidadáns con asumir que o galego é unha lingua (que vaia, non estou eu moi seguro de que sexa tan bo que a xente o saiba...)se ainda por riba hai que coñecer o galego e utilizá-lo, a ver onde imos chegar...

OTV.- Tudo isso da liberdade e a igualdade sona magnífico. A questom é, realmente é honesto plantejar essas teses teoricamente nom intervencionistas (que eu penso que nom som tal, mas já chegaremos a essa parte do debate)sempre em funçom da livre vontade dos castelhano-falantes e sem ter em conta os direitos lingüísticos dos galego-falantes?
NF.- Cando eu falo dos dereitos dos cidadáns, falo dos cidadáns de ben. Paréceme absurdo que á compracéncia cos caprichos e veleidades de catro nacionalistas se lle chame "respetar os dereitos". Para que haxa dereito, ten que haber suxeito de dereito, pero aparte ese suxeito de dereito ten que querer saber que é suxeito de dereito e querer coñecer ese dereito e querer exercé-lo. Pero eu pregúntome para que serve a conciencia? Ás veces, cando me dá por reflexionar sobre cuestións algo trascendentes, chego a conclusión de que a conciencia a deberon inventar os marxistas...conciencia nacional, conciencia de clase...ganas de complicar as cousas...porqué temos os galegos que enlearnos a vida con cousas tan complicadas, se realmente estamos a falar dunha terra cuxa historia é en si unha impertinencia, cuxa cultura é innecesaria e cuxo pobo non ten interese nelas? Porqué tíñamos que estar interesados na lingua?

OTV.- Ressomindo, que você pensa pouco menos que ser um galego-falante conseqüente e conscienciado é ser um subversivo.
NF.- Eu o que penso é que o galego na boca dalguns sona mal

OTV.- Falemos de política cultural: Porquê é tam escandalosa a presença da Galiza na Feira do Livro da Habana?
NF.- Hai duas cousas: primeiro a colaboración cun rexime tan sanguinario como o castrista. Segundo, esa teima de pensar que a cultura galega pode ir por aí, mostrandose ao mundo sen aparecer da man da española. Eses experimentos marxisto-soberanistas, non poden ter o noso apoio.

OTV.- Já...e a postura do PP sobre o Gaiás, nom está tampouco demasiado clara...
NF.- Non está clara para quen non queira entender...Mire, nós estamos de acordo con continuar a obra de Don Manuel, porque estamos a falar do legado de Don Manuel. Agora, xa lle digo...nós o que non podemos concebir é unha Cidade da Cultura en mans dos amigos da señora Bugallo. Que estes pensan na cultura galega como se tivese importancia de por si, o cal loxicamente é un disparate.
(Continuará...)

Europa luita contra a crise (IV) : Manifestaçom contra os ERE em Barcelona

2008-11-10T17:13:00.001Z

Sobre os nomes das ruas na Corunha

2008-11-09T16:04:00.001Z

O rueiro corunhês transforma-se...às agachadas

O Presidente da Cámara Municipal da Corunha, Xavier Lousada, vem de anunciar novos cámbios no nomenclátor corunhês, cámbios que vam supôr a supressom de nomes de espaços públicos que remitem de umha maneira clara ao franquismo. As mudanças no nomenclátor estám-se a fazer pola porta de atrás, sem demasiado ruído, para nom levantar polémicas. Suponhemos que será umha condiçom imposta polos grupos de pressom reaccionários que apoiam a Lousada, a cámbio de nom desatar umha guerra mediática a conta deste tema. Em qualquer caso, à parte das condiçons de semi-clandestinidade nas que se estám a dar as mudanças, há outros aspectos deste tema nom menos criticáveis, e mesmo condenáveis.

Um governo local que leva como carimbo de apresentaçom o achegamento à cidadania, está a levar a termo umhas mudanças na paisagem urbana da Corunha, nas que o povo deveria ter muito que dizer. A penumbra mediática que envolve este tema, precisamente evita que se tomem decisons com as que a vizinhança se poida sentir identificada. Evitar o debate social, para que o povo valore a decisom ou mesmo faga as suas propostas, ou inclusso debata de maneira pública e a pé de rua estes cámbios com os sectores reácios a que as mudanças se deam, vai em consonáncia com essa falácia instalada nas linhas oficiais de discurso sobre esta questom de “nom abrir feridas”.

As mudanças no nomenclátor se estám a dar de umha maneira fraudulenta, porque se bem teoricamente se realizam para cumprir com a já raquítica Lei da Memória Histórica, o certo é que nem sequer cumprem com umha premissa fundamental dessa lei, que é a reparaçom e rehabilitaçom das vítimas. O que de nengumha maneira é admissível é que com o pretenso intuito de cumprir com a Lei de Memória Histórica se aproveite para retirar a simbologia franquista e, com ela, precisamente, a memória; a falta da valentia política necessária para fazer nossa a causa anti-fascista e, portanto, devolver-lhe ao povo a memória de Manolo Velho, de José Ramom Gomes Gaioso, de Moncho Rei Balvís, simplesmente passa-se a borracha sobre a página incómoda, para fazermos como quem de que nunca houvo umha guerra, umha repressom, umha ditadura. PSOE e BNG burlam as suas próprias leis.

Por último, e para completar este agir tam profundamente covarde e batoteiro, nom há mais que botar umha vista de olhos sobre os nomes baralhados para substituir os nomes franquistas ou para dar nome a ruas novas: Por suposto, nem um só nome relacionado com a causa anti-fascista; Linneo, Darwin e, polo meio, um nome que nom precisamente leva associado o amor polo povo galego...nada menos que Napoleon Bonaparte, cujas pretensons imperialistas sobre a Galiza forom respondidas de maneira heróica polo nosso povo. Mas, claro, suponhemos que para nom ferir o orgulho imperial da França, os nossos governantes locais preferirám homenagear ao sanguinário emperador de origem corsa e nom aos miles de filh@s sem rosto do povo galego que o combaterom e que morrerom defendendo a sua terra e a sua dignidade.

Estám a retirar a simbologia franquista, mas estám-nos a calotear. Eludem que o povo reconquiste a memória própria, os nomes próprios de umha luita que foi honorável e justa. Os nomes daqueles e aquelas que morrerom pagando a sua negativa a se submeter ao terror fascista.

Ramiro Vidal Alvarinho

Europa luita contra a crise (III) : Ocupaçom de umha sucursal do Banco de Santander em Sevilha

2008-11-06T09:34:00.002Z

Membros do Sindicato Andaluz de Trabajadores ocupam umha sucursal do Banco de Santander

Europa luita contra a crise (II): Movilizaçons na Corunha e Vigo

2008-11-05T09:15:00.002Z

Dentro da série de documentos gráficos "Europa luita contra a crise", e desta vez por cortesia da CIG, oferecemos três novos vídeos: um da manifestaçom polo emprego na automoçom em Vigo, e outros dous da greve polo convénio no sector do comércio na Corunha.

Europa luita contra a crise: Jornada de luita estudantil em Milám

2008-11-04T09:39:00.002Z

Dentro de umha série de crónicas gráficas que titularemos "Europa luita contra a crise", hoje oferecemos três vídeos sobre a jornada de luita em Milám contra o "Decreto Gelmini". Tendes informaçom mais detalhada em kaosenlared.net

Juízo político a dous activistas da AMI

2008-11-03T20:07:00.002Z

Festa do Samaím, o Sábado, no CS Gomes Gaioso

2008-10-31T08:53:00.001Z

Algumhas imagens do acto de solidariedade com Cuba

2008-10-30T11:16:00.004Z

Por enquanto, três momentos da intervençom de Moncho Leal, apresentado polo Tangaranho

Furacám de solidariedade com Cuba

2008-10-24T12:01:00.000+01:00

Este sábado tera lugar no Gomes Gaioso umha festa solidária com as vítimas dos furacáns em Cuba

Trás o passo de dous furacáns de jeito consecutivo, a naçom cubana precissa da nossa ajuda e o ganho que tiremos este sábado, donará-se integramente para a ajudar às vítimas dos furacáns. Ainda que é certo que estes furacáns passarom por outros países da zona, causando numerosos danos, a situaçom de Cuba é especial, porque o criminoso bloqueio à ilha imposto polos Estados Unidos empece a chegada de ajuda humanitária por vias oficiais lá.

Para ajudar com a causa, vários artistas actuarám no Gomes Gaioso.

20h Intervem Moncho Leal, Presidente da Asociación de Amizade Galego-Cubana Francisco Villaamil
21h Leitura de textos de autores cubanos com Alberte Momán e Xavier Vásquez Freire
22h DJ a Morrinha Sound Antisistema (Heitor)
23h Xoan Curiel (Cantautor)

Solidariedade com José Antonio Barroso

2008-10-23T15:17:00.002+01:00

A monarquia é umha forma de governo injustificável. Nom há reis bons e reis maos. Simplesmente, as monarquias som injustas e injustificáveis. E pobre de quem tenha preitos com a coroa ou a conta dela.
José Antonio Barroso, alcaide da cidade andaluza de Puerto Real, vai ser julgado por chamar de indigno e corrupto a Juan Carlos I de Borbón. Pois é o menos do que se lhe pode chamar, tendo em conta o que muitas plumas de diferentes tendências vinherom desvelando os seus negócios e o uso das instituiçons e do poder que veu tendo o monarca.
O mais fraco dos favores que se lhe fai à monarquia espanhola sempre o constituim as suas surdas demostraçons de força.
A este homem vam-no inhabilitar, eu apostaria a que sim ou sim, o problema é que quando se dea consumado a puniçom que tenhem preparada para o senhor Barroso...a credibilidade das instituiçons do estado borbónico terá-se deteriorado mais ainda.

Telecinco difama a Cuba

2008-10-14T15:48:00.002+01:00

Um exemplo de que, quando se fala de Cuba, nom há normas, nom há ética, nom há responsabilidade. Contra Cuba, tudo vale, polos vistos.

Um exemplo de cooperaçom para o desenvolvimento

2008-10-09T11:41:00.002+01:00

Trabalhos de melhora de um centro de saúde comunitário em Cuba. Iniciativa do colectivo Euskadi-Cuba.Com imagens de antes e depois da intervençom. Vídeos extraídos de cubainformacion.tv

Siareir@s Galeg@s recebe às subcampionas do mundo

2008-10-08T10:38:00.002+01:00

Siareir@s Galeg@s recebeu, como nom podia ser de outra maneira, às subcampionas do mundo de futsal. Estas mulheres som, neste momento, um exemplo para o mundo do desporto galego. E o nosso dever, como blog identificado e comprometido com este país, é fazer seguimento de toda quanta informaçom houver sobre elas. A informaçom que os falsimédia nos negam. Obrigado, selecçom. E força para o futuro!!!

Subcampionas

2008-10-07T09:31:00.005+01:00

Finalmente, a nossa selecçom feminina de futsal é subcampiona do mundo. A Irmandinha de futsal feminino, fixo um excepcional papel no torneio internacional de Reus, umha iniciativa da Associaçom Mundial de Futebol de Salom apoiada por todas as federaçons participantes e tratada mediaticamente na totalidade dos países representados com rango de oficial. Na totalidade, excepto na Galiza, claro, onde os média com mais poder silenciarom o evento, dando-lhe saída, em contraste, à andaina da selecçom espanhola masculina no Mundial de Futebol de Salom da FIFA. O nom reconhecimento do campionato de Reus por parte da FIFA e por parte das autoridades desportivas espanholas é o que marcou a pauta para ignorar este evento a nível mediático. Em qualquer caso, um acerto por parte da Junta da Galiza e da Generalitat de Catalunya o de aproveitar o peculiar estátus da competiçom para apoiar a participaçom alí das selecçons próprias. A aposta nom puido sair melhor, porque a final foi desputada por Catalunya e Galiza, justo duas naçons sem estado que luitam pola oficialidade das suas selecçons desportivas ( cada umha numha fase diferente da sua respeitiva luita, tudo o há que dizer)

Sobre o jogo, assinalar que me inteirei um par de horas antes que ia ser televisado pola canle tdt da TVG, que o vim e que me emocionei escuitando o Himno da Galiza. Que me pareceu triste que a maioria dos galegos e das galegas nom saibam que isto aconteceu, que nom entendo a nom presença de Ánxela Bugallo - polo menos - na final, e que estas mulheres deveriam ser recebidas no nosso país como heroinas, porque som um exemplo para @s desportistas galeg@s e porque com emoçom, tensom e ilusom estiverom representando ao nosso país, enfrentando-se de igual a igual a selecçons potentes, que nom forom a Catalunya nem muito menos de passeio.

Como já comentei em vários lugares e em momentos diferentes, a final, único jogo que puidemos ver - deveriamos de poder ter seguido todo o campionato; para quando umha canle desportiva da TVG que permita seguir este tipo de eventos? - serviu perfeitamente de mostra da entrega das nossas raparigas: a pressom à que submeterom às catalás foi abafante e, desde logo, o 4-0 final nom fai justiça ao acontecido sobre a cancha.

Claro que, a trascendência do acontecido durante estes dias em Catalunya nom deixa demasiado lugar para se laiar, nem sequer para se queixar da bastante desafortunada actuaçom arbitral durante a final, nem do tratamento tendencioso que os méios de comunicaçom catalans, os únicos do estado espanhol que se fixerom eco do que aló acontecia, lhe derom ao jogo no que, segundo eles, Catalunya foi netamente superior, algo falso para qualquer pessoa que puidera ter visto o encontro.

Afinal o que fica é que Galiza acabou este campionato, a primeira tentativa da história de fazer um campionato mundial feminino absoluto de futebol de salom, na segunda posiçom e que, aliás, a final jogarom-na duas selecçons vetadas pola FIFA por pressom directa da Espanha. Umha vitória em si própria contra os métodos mafiosos e antidemocráticos de alguns.

Já estamos em quartos!!!

2008-10-02T16:33:00.002+01:00

A selecçom galega de futsal feminino está em quartos de final do campionato mundial que se está a celebrar em Reus. As galegas, com um comportamento em todo momento combativo e exemplar, com umha vitória frente a Ucraína e umha derrota frente a Rússia, classificarom-se para quartos e vam-se medir nada menos que com Argentina. Viva a Irmandinha!!!

Vinte anos depois da derradeira dança

2008-10-01T10:29:00.003+01:00

Hoje cumprem-se vinte anos da disoluçom de umha banda importantíssima no que se deu em chamar Rock Radical Basco e que tivo umha inorme influência em bandas punk do estado espanhol e América Latina. No 1 de Outubro de 1988 actuavam por derradeira vez, e nesse mesmo ano editavam o seu trabalho póstumo "Azken Guda Dantza".

Kortatu para nós, para os da minha geraçom, está associado a infinitos recordos. Recordos de litronas na praia que está a douscentos metros do liceu, em manhás de Junho, celebrando a conclusom dos exames, ou simplesmente latando às aulas. Recordos de acampadas no monte. Recordos de cervejas a oitenta pesetas no Borrazás, antes de nos lançar à noite de um Sábado que por força tinha que ser extraordinário, porque para monotonia, já estava a de toda a semana. Ou antes de um serám de futebol, nos tempos heróicos do Deportivo, de antes de Bebeto e Mauro Silva.

Recordos daquelas greves estudantís contra a guerra do Golfo, de movilizaçons em favor dos insubmissos: Ernesto, César, Goldi, Pasky, Chano, Elias, Ramiro, Anxo, Asier, Alberto, Joseph e tantos, tantos outros...

Recordos do próprio Rock Radical Basco, aquela rebeldia sonora e meio-clandestina: La Polla, Zikatriz, Kontuz Hi!, Jotakie, Hertzainak, Potro Taino...

Recordos daquela Corunha que sonava a Diplomáticos, La Vergüenza, Verjalhudos, Abarrote no Parrote, Xentalla, Sok...

Quando um escuita Kortatu, todos aqueles sabores, olores e cores daquela época lhe venhem aos sentidos.

No meio do crack capitalista

2008-09-30T11:03:00.002+01:00

No meio do crack capitalista, as circunstáncias levam-me a reflectir. A reflectir sobre algumhas "verdades indiscutíveis" que se erigiram como tais durante os nefastos anos noventa, e que agora começam a se desinflar. "O comunismo morreu, o socialismo nom tem sistema próprio, e o de livre mercado é o melhor dos sistemas possíveis". Pois parece que nom. Parece que nom andavam tam acertados aqueles que se enchiam a boca fazendo tais afirmaçons.

O poder legislativo norteamericano vem de rejeitar o "plano de resgatamento" que o George Walker Bush pretendia implementar para o sistema financeiro dos USA. Ajudar aos bancos para que a gente da rua nom sofra as consequências da sua ruína, parece ser a ideia. Pois algumha cousa deve falhar para que o estado tenha intervir numha economia que tinha como piar doutrinário intocável a "nom intervençom".

Por algum lado lim que quiçá seria mais sensato e mais justo destinar a "gasto social" (porquê "gasto" e nom "investimento social"? É concevível qualquer sistema sem a gente? Que o sistema invista cartos em cuidar da sua base humana é um "gasto"?)o que alguns governos pensam destinar a financiar o descalabro de alguns sectores do capital. Isso achega-se mais à minha forma de pensar. Claro que eu, mais bem o que penso é que o capitalismo nom tem remédio. Que está baseado na injustiça e na exploraçom, e que, ainda por cima, polos vistos, tem problemas para se substentar a si próprio. Sim, algumha cousa falha.

E fago esta pequena e modestinha reflexiom quando nos achegamos ao 91 aniversário de certo facto histórico. Que parece que vai haver que voltar a reivindicar.

Declaraçom de urgência em solidariedade com a Esquerda Abertzale

2008-09-16T15:00:00.002+01:00

O autor deste blog, na sua linha de solidariedade com a esquerda revolucionária internacional, expressa a sua solidariedade com a Asamblea Nacionalista Vasca, cuja ilegalizaçom acaba de ser anunciada polo máximo órgao do poder judiciário espanhol. Por enéssima vez, o imperialismo espanhol demostra a sua cegueira e a sua incompetência total para resolver o conflito basco. Se pensam os que estám a sustentar ideologica e operativamente este modus operandi de suspender os direitos civís de umha parte importante do pobo basco que este proceder os vai levar a algures, estám errados. Claro que, no fundo, sabem perfeitamente que a receita que aplicam nom vale para acabar com a violência política em Euskal Herria.

Aquí a que está a ser continua e impudicamente enganada é a sociedade espanhola. Essa que lhe entrega os votos cegamente ao que lhe promete acabar com o problema a base de mao dura. Quantos agentes da Guardia Civil deverám de voltar à sua terra natal numha caixa de pinheiro para que os mesmos que acreditam nessas milongas comecem a pedir-lhes contas aos seus líderes polo seu rotundo fracaso? Ninguém se perguntou nunca porquê PSOE e PP som marginais em Euskal Herria?

A falta de umha ruptura democrática real no estado espanhol é a principal culpável de que continue a haver luita armada em Euskal Herria. O nom reconhecimento do direito de autodeterminaçom. Um princípio que parece, nos tempos que correm, que foi inventado pola extrema esquerda, quando é um princípio liberal, com o que nom deveriam ter nengum problema esses que dim que defendem umha naçom de "cidadaos livres e iguais".

Tanto preocupar-se polo facto de que em Euskal Herria nom queiram escuitar falar de Espanha, porquê nom se perguntam o motivo polo qual a bandeira "rojigualda" nom pode entrar nem nos bairros operários de Madrid, salvo em momentos de euforia desportiva? Isso sim que é um problema sério para Espanha: que os seus símbolos nom tenham legitimidade nem entre a sua populaçom, em territórios onde dificilmente se poderia questionar "que estamos en España". Ou será que afinal Espanha é a Moncloa, a Zarzuela e o Paseo de La Castellana?

E isto é porque no fundo a Espanha que defendem Zapatero, Rajoy, Llamazares e Ynestrillas, os quatro ao unísono, é umha Espanha que para comezar nem foi capaz de questionar a ordem sucessória do franquismo (Juan Carlos I é o rei que Franco nomeou) nem de rehabilitar a bandeira tricolor da tradiçom republicana, a única tradiçom minimamente progressista que umha pretensa naçom espanhola pode reivindicar.

Por certo: se a premisa para poder exercer actividade política legal no estado espanhol é condenar a violência, estamos aguardando a ilegalizaçom de outras organizaçons que que nom só nom a condenam, mas inclusso a exercem por sistema, como as diferentes falanges ou Democracia Nacional. Digo-o porque há só uns dias outro jovem foi apunhalado por neo-nazis em Barcelona e os autores tenhem pai e nai políticos...claro que, a fim de contas, tampouco o PP, nem o PSOE, nem IU abrirom para nada a boca neste assunto.

Desporto nom tem nada a ver com política?

2008-09-15T11:11:00.002+01:00

Nom será a primeira nem a derradeira vez que eu mantenha umha ágria discusom com alguém sobre este assunto. A última vez foi com motivo dos Jogos Olímpicos, nos que eu lhe expressei a várias pessoas a minha satisfacçom polo facto de que, frente a fanfárria infumável de alguns, frente ao chauvinismo cego de alguns, havia umha potência olímpica da que ninguém falava mas que se mantinha aí, na zona méia-alta do medalheiro, que era Cuba. A isto alguns responderom-me que eu sempre andava a mesturar política com tudo, ao que eu repliquei que naturalmente. Que a ver se eles pensavam que os JJOO nom tinham nada de político, que a ver se pensavam que o resto dos estados do mundo nom utilizavam os seus logros desportivos em benefício dos seus respeitivos regimes. Todos os regimes e todos os governos o fam. Cuba também, e com todo o direito do mundo. Para muita gente, demasiada, inclusso para alguns nacionalistas galegos também, resulta incompreensível que para mim os logros de Cuba os sinta como mais próprios mesmo que os de desportistas de origem galega como Iván Raña ou David Cal. Alguns esquecem que estes dous atletas e outros atletas galegos que competirom nas Olimpíadas faziam-no sob a bandeira espanhola. Se o fixeram sob outra bandeira, iam mesmo alguns média de certo corte galeguista dar-lhes tanta bola?

Precisamente de David Cal falou-se muito ultimamente a raíz da sua enésima polémica com a Conselheira de Cultura, Ánxela Bugallo. O seu comunicado desmentindo umhas declaraçons da Conselheira nas que se afirmava que a Conselharia já lhe ingressara umha quantiosa subvençom ao piragüista de Aldám, tivo umha resonáncia mediática considerável. Nom fai falta que eu aclare porquê se lhe está a dar tanta amplificaçom a esta polémica. Já sabemos quais som as lealdades políticas de Cal e já sabemos o grande interesse que muitos média tenhem em destroir a política desportiva da Junta da Galiza. A desportiva e a cultural em geral. De facto, as alusons que se fam a certos aspectos da gestom de Bugallo som claríssimas. A mim o que me interessa deste cruzamento de fogo entre o desportista de elite do Morraço e a Conselheira é que esta briga desminte isso de que desporto e política nom tenhem nada a ver: se o problema de Cal com a Junta fosse governando o PP (supondo que esta crise nom seja outra das muitas crises de cartom-pedra que provoca a direita espanholista) nom haveria estas alusons, nem os ataques até pessoais que se estám a dar. Eu poido nom saber muito de desportos, mas até aí chego.

Há, afortunadamente, outra face da moeda. Frente a "heróis nacionais" que se emprestam a fazer de arietes da reacçom aproveitando-se dessa aureola de modelo para a juventude, rapazolo sano e com imagem politicamente correcta e demais, ontem lia com agrado umha notícia referida a Pia Sundhage, a mulher que levou à selecçom feminina de futebol dos Estados Unidos ao mais alto do pódio olímpico, que rejeitou o convite de George Walker Bush para cear com ele na Casa Branca. O motivo? Pois que Pia Sundhage se confessa militante do Partido Comunista Sueco, e colaboradora da sua revista. Como é natural, num lance de simples coerência, Sundhage perguntou-se quê demo pinta umha comunista partilhando ceia com um criminoso da talha de Bush.

O espírito de competiçom, obrigatório num ou numha desportista, nom está enfrentado com o sentido crítico das cousas. Há desportistas que pensam que estám por cima do bem e do mal e que vam ter sempre razom. E que nunca vam ser criticados. E assim, lançam-se a cruzadas absurdas, como no caso do senhor Pereiro e a sua infeliz adesom ao "Manifiesto por la Lengua Común" ou, como no caso do David Cal, deixam-se levar polos poderes fácticos para servir a interesses reaccionários. Há outros que tenhem os pés e a cabeça na realidade, e que dam liçons de dignidade, como a senhora Sunhage.

Carta do amigo Igor

2008-09-09T10:20:00.002+01:00

Senhores Água de Mondariz,

Escrevo-lhes desde o Bierzo, território galegófono sob administraçom da Comunidade Autónoma de Castela e Leom porque desejo expressar-lhes a minha irrevocável decisom como consumidor de DEIXAR DE COMPRAR a sua água e indidar a TODOS OS MEUS AMIGOS que deixem de adquirir os seus produtos.

Os motivos som, como já vostés sabem, as últimas declaraçons do Clube Financeiro de Vigo a respeito da língua, que vostés decidirom apoiar, e as respostas insultantes cara a nossa língua e cultura que estám a dar às queijas que muitas pessoas já lhe estam fazendo chegar.

Se vostedes pensam que a língua galega é 'una fuente de riqueza cultural, magia inspiracional y de melodía poética', e nom um instrumento de comunicaçom próprio que devemos defender, potenciar e promover, umha ferramenta de trabalho, e umha mostra de identidade com a que apresentar-nos ante o mundo inteiro, eu e outras muitas pessoas decidimos que comprar os seus produtos e colaborar com a campanha de ataques contra a língua galega que a direita espanholista está (estades) a promover.

Enviarei cópia deste correio a todos os meus contactos de internet, e colaborarei em todas as campanhas que se ponham em marcha para boicotar e contrapublicitar os seus produtos, até que mudem a sua opiniom e a sua postura com respeito à língua galega.

Igor Lugris Alvares.
Poeta, escritor e ex-consumidor de Água de Mondariz

Gorki Águila, mais um mártir de desenho

2008-08-31T15:23:00.002+01:00

Confesso que sentia certa curiosidade polo caso de Gorki Águila, cantor da banda de punk rock cubana Porno para Ricardo. Causava-me intriga esse pretenso caso de repressom a um artista em Cuba, com o que suponho que em certa medida caim na armadilha: quase conseguem colar-me o conto de que aos carcas do Partido lhes amola o rock and roll.

Hoje em Kaos en la Red, e depois de ter aparecido no mencionado sítio de esquerdas um comunicado assinado por autodenominados "anarkopunks de Cuba" em solidariedade com o tal músico, puidem lêr um artigo que clarificava de maneira pouco rebatível a situaçom do Gorki Águila e os antecedentes que envolvem a sua história. A alarma saltava quando os falsimédia "informavam" do inminente ingresso em prisom do punkie caribenho polo conteúdo anti-castrista das suas letras. Polo que relata o artigo publicado em Kaos en la Red, a denúncia que levou ao Gorki aos tribunais foi por outras razons: a banda que o "repressaliado" lidera ensaiava a horas intempestivas, violava o direito ao descanso dos vizinhos e vizinhas e a sua relaçom com a antedita vizinhança era bastante escandalosa; ameaças e agressons ribeteavam essa deficiente convivência.

O rockeiro tinha, por certo, antecedentes por conducçom perigosa e tráfico de drogas.

Estas som, portanto, as verdadeiras razons polas que Gorki Águila tem problemas com a justiça do seu país: nada de questons de consciência ou opiniom.

Há determinados grupos de pressom aos que lhes interessa cozinhar umha história de repressom contra um artista irreverente: o rebelde rockeiro contra a pétrea tirania cubana...um mito rendível e fácil de engordar.

Mas a realidade é que o senhor Águila é simplesmente um gajo que nom sabe distinguir a diferença entre o rol que assome acima de um cenário e o seu sítio na realidade quotidiana. Quando a alguém lhe acontece isto, é porque está maluco ou simplesmente é um perfeito idiota. Isso nom tem nada a ver com ser rockeiro, punkie, anarquista, ou o que for. Por outra parte, nom sei de onde tiram alguns que este indivíduo é um anarquista. No seu web o único que transmite som valores burgueses e reaccionários. Sim que é certo que tem letras contra a revoluçom cubana...nom podia ser de outro jeito!!! A igualdade e a solidariedade nom vam com um fulano que apenas vive para alimentar o seu ego traumatizado e acomplexado.

Mas nom tudo é reacçom e culto aos valores burgueses no rock e aquí temos que ter umha lembrança e umha saudaçom afectuosa para Núcleo Terco, Soziedad Alkohólica, Fermín Muguruza, Berri Txarrak, Skacha, Non Servium, Brigada Flores Magon, Dixebra, Skárnio, Rage Against The Machine, The (International) Noise Conspiracy, Desperta Ferro, Mencer Vermello, Trapallada, Dios Que te Krew, Zënzar...e tantos outros que andam a repartir decibélios polo mundo adiante defendendo causas que pagam a pena, nom como este pobre sujeito que necessita constroir um personagem a partir de si próprio para sobreviver ao seu auto-ódio.

Homenagem a (desportiva) Cuba

2008-08-14T16:29:00.002+01:00

Estava eu, um pouco farto de tanto nazional-desportismo espanhol, fazendo umha comparativa entre o que forom sendo as participaçons de Cuba nas olimpíadas e as de Espanha...eles que tam ufanos estám com a sua recem conseguida medalha número cem...

Pois resulta que Cuba, com aproximadamente trinta milhons menos de habitantes que o estado espanhol e um PIB pressumo que consideravelmente inferior, conseguiu...170!!! medalhas nas suas participaçons ao longo da história dos Jogos Olímpicos. Quê dado tam interessante, verdade? Tam interessante como que a dia de hoje, Espanha leva somadas nos Jogos Olímpicos de Pequím duas medalhas: as mesmas que Cuba, claro que Espanha está uns postos mais acima, por aquilo de que umha das suas medalhas é um ouro.

Neste blog somos intransigentemente solidários com Cuba. Nom faltará quem queira restar-lhe mérito a esta realidade. Nom faltará quem nos acuse de mentir.Nom faltará quem lhe procure peregrinas explicaçons ao facto irrefutável dos logros desportivos cubanos. Mas aquí fica o dado. O nosso alento afervoado aos atletas e às atletas cuban@s. Por Cuba e polo socialismo!!! Sodes o orgulho dos trabalhadores socialistas do Planeta.

A (irritante) dupla vara de medir de El País

2008-08-08T14:47:00.002+01:00

Hoje em rebelion.org tivem ocasiom de lêr outra esqüeta e lúcida reflexiom do jornalista Pascual Serrano acerca da já insultante dupla vara de medir do jornalzinho misserento-seudoprogre-direitoso El País. Noutra das suas ridículas cruzadinhas anti-chavistas (quê nojinho me dám estes merdinhas) publicavam esta (...notícia?)

Pascual Serrano prova a tendenciosidade intencional de El País fazendo umha comparativa com esta outra notícia, também publicado nessa espécie de folhinha paroquial dos espanholitos social-liberais.

Vamos ver, é evidente que a animaçom é umha linguagem cinematográfica que nom é exclussivamente para crianças. De factro, a ver, quem dixo que os "Simpsom" ou "Padre de Familia" (os nomes sob os que se conhecem estas séries americanas no estado espanhol) estám concividas para a infáncia? Alguém pode pensar que um rapaz de seis, ou de dez anos vai perceber as piadas e os gags destas séries?

Som séries que estám cheias de referências literárias, cinematográficas, musicais que nom apanham a maioria dos adultos, vam-nas apanhar os cativos? Para nom falarmos das piadas de conteúdo político,e, naturalmente, sexual...

O único motivo polo que estas séries se emitem na sobremesa é que no estado espanhol há umha absoluta laxidom em matéria de regulaçom de horários e as canles de televisom se aproveitam dessa situaçom. Que em Venezuela sejam mais estritos nessa matéria é um mérito, mas claro, até de aí há que tirar muniçom contra Chávez, sem dúvida um tirano de muita maior bagagem criminossa do que Pinochet, Suharto ou Duvalier (...acabo de fazer uso da ironia, ou nom? Cadaquem que o pilhe como lhe dea a gana)

Tal como som...

2008-08-05T10:15:00.000+01:00

Ynestrillas...sem censura.

O patronato do comércio, de novo contra o galego

2008-07-28T09:38:00.002+01:00

Nesta manhá de férias já me amargarom o café os da "Voz de su amo", esta vez fazendo de altofalante dos representantes do patronato do comércio, que se sentem seica "discriminados" e "coutados na sua liberdade" ante a futura obrigatoriedade de atender em galego a aquelas pessoas que o solicitem. Alguns pretendem seguir abusando dos seus privilégios corporativos e de classe, por direito de conquista imperial, relegando os direitos dos demais a um plano inferior. Aquí há um cinismo desmedido. Pretende-se que eu, que nós, relativicemos os nossos direitos para salvaguardar a integridade dos privilégios de alguns. O direito do galegofalante a serem atendido na sua língua é relativizável e sempre estará submetido à vontade do dependente de turno, ou seja, o mundo ao revês; o que consume está ao serviço do que teoricamente serve. Mas entom, quem oferece um serviço a quem? A minha satisfacçom com o serviço nom tem importáncia? Pensam os representantes do patronato do comércio que atender a um galegofalante é umha espécie de acto de caridade?

Por certo; parece que há que repetir-lhes a alguns que as concissons dos seus negócios som públicas. Que há que cumprir a lei. E que nom tem absolutamente nada de excepcional que se lhes faga cumprir umhas regras de jogo na atençom ao cliente no que di respeito a comportamentos lingüísticos, igual que há que cumprir umhas normas em matéria sanitária ou em questons de outro tipo. Mas aquí segue a haver umha divisom entre cidadaos de primeira categoria e de segunda categoria: uns berram porque lhes cabrea muito que os amolem com normalizaçons lingüísticas e outras leis que consideram "caralhadas", porque lhes remexem um ordem de cousas no que estavam comodamente instalados e outros seguimos ponhendo o lombo todos os dias, preparados para receber novas agressons e fazendo da conservaçom dos nossos princípios um verdadeiro acto heróico.

O Tangaranho estará alí

2008-07-24T11:35:00.000+01:00

Causa Galiza anima o soberanismo a participar na sua manifestaçom, a única que reclama a autodeterminaçom para o país

Causa Galiza, plataforma social ampla e de esquerda em favor da autodeterminaçom, anima os e as soberanistas a participarem na manifestaçom que convoca para o 25 de Julho, Dia da Pátria, que vai partir às 13:30 horas da Alameda de Compostela sob a legenda “Soberania nacional”. Por segundo ano consecutivo, Causa Galiza organiza a marcha unitária da esquerda soberanista e independentista.

Numha conferência de imprensa com a presença de Pedro Alonso e Charo Lopes, integrantes da Portavozia da Causa Galiza, o colectivo apresentou hoje, na Galeria Sargadelos de Compostela, a manifestaçom que convoca este 25 de Julho, mais um ano, a todo o soberanismo de esquerdas galego. A cita vai ser às 13:30 na Alameda compostelana, e ao rematar a mesma vai realizar-se um jantar no parque de Belvis.

Charo Lopes destacou a “necessidade de estender os possicionamentos do movimento soberanista perante o debate estatutário”, já que este é “cativo” e com a agenda “marcada por Espanha”, carente de auténtico debate. Por esta razom, um dos objectivos da Causa Galiza é contribuir, mediante a difussom das assembleias comarcais, a esse debate que se revela necesario para o país.

Pola sua banda, Pedro Alonso sublinhou que no actual contexto na Galiza, com “ataques como o TAV, as agressons ao sector pesqueiro, ENCE”, o único caminho é “um discurso coerente em defesa do direito de autoderminaçom”. Assim, “Causa Galiza considera preciso que no Dia da Pátria se fale claro sobre soberania nacional”. Também afirmou que “a crise que a acçom de governo nom freia pode ter consequencias mui duras para a clase trabalhadora galega” e lembrou que a Causa Galiza vai estar dedicada “à defesa activa da nossa realidade nacional em todos os ámbitos”.

Causa Galiza entende que a consecuçom do reconhecimento legal da nossa realidade nacional e de um grau de bem-estar só é possível a partir de um quadro jurídico-político próprio. Torna-se mais necessário do que nunca assumir e espalhar umha consciência crítica a respeito da realidade que nos rodeia. Denunciar activamente as desigualdades sociais que apresenta o omnipotente e omnipresente capitalismo, assumirmos a volta a umha resistência activa e firme da nossa língua, cultura, territorialidade, meio natural… como cerne de um processo real de afirmaçom e autodeterminaçom nacional. Devemos, pois, hastear umha vez mais a bandeira da estrela vermelha.

Debate do decálogo de Causa Galiza

2008-07-17T11:55:00.001+01:00

Causa Galiza apresenta o decálogo para debate

O dia 18 de Julho, às 20.30 horas terá lugar no Centro Social Gomes Gaioso a apresentaçom do Decálogo de Causa Galiza. Este decálogo define os parámetros para umha Galiza mais livre e democrática, tocando aspectos como as relaçons laborais, os direitos civis ou a territorialidade.

Causa Galiza pretende com este acto gerar debate entorno a um direito que hoje permanece negado até o ponto de mesmo silenciar-se a sua reivindicaçom, como é o de autodeterminaçom.

A contra-relógio, para salvar a vida da sua amiga

2008-07-15T16:12:00.003+01:00

Hoje assaltou-me, entre as páginas da imprensa diária, esta singular história. Este homem pede dinheiro na Rua Real da Corunha...nom para comer, nem para pagar umhas copas, mas para algo muito mais noble. O certo é que pensar no mais que provável final da sua cadela resulta angustioso. Eu desconheço qual é o estado do animal, mas as autoridades municipais teriam que ponderar bem se o pobre bicho realmente é umha ameaça para a saúde pública ou nom. Que seja a acompanhante de umha pessoa que mora na rua, nom significa necessariamente que se cumpra o antedito extremo. Também se deveria olhar se o dono tem recursos ou nom. Em qualquer caso, fazemo-nos eco da petiçom de ajuda desta pessoa.

Maurício Castro no Gomes Gaioso

2008-07-09T15:50:00.004+01:00

Maurício Castro falará sobre a figura de Carvalho Calero

Na quinta-feira 10 de Julho o nosso Centro Social organiza umha conferência sobre a campanha que há em andamento sobre Carvalho Calero e sobre a sua figura. No acto intervirá o professor Maurício Castro. A exposiçom exprimirá os motivos da campanha que solicitam que o dia das letras 2010 seja dedicado à homenagem da figura de Carvalho, da que se nos fará também umha achega biográfica e da sua releváncia como estudioso da língua e literatura galega.

Ficais convidados ao acto que terá lugar no Gomes Gaioso às 20:30 h.

Parañoia

2008-07-04T17:14:00.001+01:00

O rearme dos nacionalistas espanhois

2008-07-02T18:23:00.002+01:00

Ultimamente era notícia um textinho assinado por um punhado de intelectuais, columnistas e opinadores profissionais, em defesa do castelhano, propondo umha série de medidas para coutar a escalada nacionalista que, segundo eles, se está a dar nos territórios do estado com língua própria. Haverá que algum dia analisar polo miúdo esse infumável horror literário-político, ainda que pouco novo podemos dizer a respeito do que já se tem dito por parte de quem já o tem "destripado" com bastante acerto.

Eu sim queria salientar o apoio de umha série de "notáveis" oriundos desta terra- bom, em realidade três, que poderiam se calhar ser mais com o tempo - a este manifesto. Eu falava hoje mesmo com um amigo de que o problema é a falta de vontade política para utilizar contra estes mercenários as armas que , polo menos o governo autonómico, tem ao seu dispôr.

Cadaquem escolhe as suas fidelidades patrióticas ou partidárias. Luz Casal, Roberto Verino e Óscar Pereiro ( a partir de hoje, imagino que heróis dos "galicio-palanganas" e espécies parecidas) podem assinar um panfleto contra o galego; estám no seu perfeito direito. Mas um governo autonómico que realmente se sentisse governo de um país, deveria reagir. O galego forma parte fundamental da nossa identidade. É um património que temos a obrigaçom de cuidar. É umha instituiçom do povo galego, que trascende conjunturas políticas, governos, regimes...e quem toca as instituiçons do povo galego, nom tem direito a vir logo reclamando nem ajudas oficiais, nem espaço mediático, nem o apoio do público galego. É curioso ver como estes, que na capital do reino som mais papistas do que o Papa, aquí som mais galegos que ninguém para pôr o caço. Para isso todos somos galegos. E estes, mais do que ninguém...como triunfam na metrópole, som-vos especiais, e claro, como lhe dixem ao meu amigo, pretendem todos os direitos e nengum dever. Direito sem dever é privilégio, e eu nom acredito nos privilégios.

Se atacas ao galego, nom deverias poder sair na TVG nem na Rádio Galega. Nem se che deveria poder contratar para publicitar produtos galegos. Nem para actuar na Galiza. Particularmente, parece-me muito ridícula e mesquinha a atitude de Luz Casal. Quem é esta senhora para opinar sobre este assunto? Umha pessoa que leva três quartos da sua vida morando fora da Galiza, que nem tem elementos de juízo para opinar consistentemente sobre qual é a situaçom sócio-lingüística aquí, e á que nom lhe vai afectar o mais mínimo o que aquí se faga em matéria lingüística, nom sei quê pinta assinando esse tipo de libelos. E digo mais. Foi discriminada algumha vez como artista neste país por cantar em espanhol? Na televisom da Galiza sempre é referida e apresentada como "artista galega", e a sua presença é considerada sempre como estelar. Terá de quê queixar-se? Mais ainda digo; saberá esta senhora que muito do seu público é galego-falante, e que provavelmente nom estará de acordo com o que diga esse panfleto reaccionário?

Nom se pode seguir dando trato preferente, como de filho pródigo da Galiza, a quem envergonha ao seu próprio povo enarbolando a bandeira do auto-ódio.

...e a Espanha ganhou a Euro 2008

2008-07-01T16:07:00.003+01:00

Em kaosenlared.net estám a aparecer umha série de artigos e informaçons relacionadas com as celebraçons em diferentes cidades do estado espanhol pola vitória da selecçom espanhola na euro 2008. A verdade é que tudo o que aí aparece é imensamente interessante, mesmo as intervençons nos foros, incluidas as provocaçons dos fascistas, contando as suas "façanhas". Retrata muito bem nom só a situaçom que se coze neste momento, mas também a situaçom à que alguns lhes gostaria chegar.

Muito interessante o que aconteceu em Donostia. Para tomar nota.

A estátua do Ché

2008-06-28T15:49:00.002+01:00

Ultimamente está a causar mar de fundo em Oleiros umha estátua do Ché que se inaugura hoje. A questom é que há quem di, e nom sem razom, que os cartos investidos na construcçom e instalaçom da estátua podiam ir a outro lado. Pois sim. A todos se nos ocorririam muitas cousas que fazer com esse dinheiro. Em Oleiros quem nom vê problemas por resolver, é porque nom tem olhos. O alcaide, pola sua parte, defende a sua decisom política e di que outras estátuas mais escandalosas se erigirom na comarca sem que ninguém diga nada. Tampouco lhe falta razom. Se queremos ver arbitrariedades e absurdos simbólico-urbanísticos, nom temos mais do que ir à Corunha. E nom temos mais que retrotrazer-nos a há menos de dez anos, e menos de cinco também para recordar as delirantes justificaçons que davam alguns que hoje ainda som concelheiros para justificar a existência desses absurdos. O que acontece é que a memória é débil, e a memória colectiva, nem vos conto. Mas escuitar a umha Carmen Marón dizer que a presença de símbolos franquistas nas ruas da Corunha era umha prova de toleráncia, era-vos um primor. Por exemplo.

Sim, certamente; vam-se esbanjar cartos públicos numha questom que nom é, nem muito menos, de primeira necessidade. O que acontece é que eu nom estou nem de troça com a extrema direita oleiresa, nem com a pequena massa de incautos que ontem se manifestou contra a controvertida efígie. Umha cousa é protestar para que os governantes da cousa pública a manejem de maneira ética e responsável...e outra bem diferente é aproveitar que o Minho passa por Lugo para bilipendiar ao Ché. Eu nom tolero que os merdinhas senhoritos de caldo à merenda do PP e a sua claque de kamikazes ideológicos ma metam dobrada com isto de que "protestamos contra el totalitarismo de Gelo". Sinto-o. O que se anda a largar sobre o Ché por aí adiante é infamante e nom se trata já do que eu poida pensar do Ché ou da minha concordáncia com o seu pensamento e a sua obra. Vai muito mais alá a cousa.

Todos sabemos que o discurso este dos neocons sobre o que eles consideram esquerda caduca e trasnoitada (para eles a esquerda, integrada ou radical, singelamente sobra, assim que nom paga a pena parar-se em matizes) sempre aproveita a refutaçom de um símbolo ou de umha parte da história para denigrar e criminalizar a todo aquele que ouse pór-se enfrente das suas teorias. Dá igual a CNT, o PCE, o PSOE, o BNG, NÓS-UP ou a ETA...todos estám na conjura contra essa civilizaçom "do normal" (e já sabemos o que vem significando "normal" em boca desta gentalhinha) e a questom é que a razom dos "normais" tem que imperar para que tudo continue a ser "normal".

Como oleirês tomo a palavra para dizer que esses que se manifestarom contra a estátua nom falam no meu nome ( ...e já lhes gostaria...)

Tampouco Alternativa fala no meu nome. Estes senhores o que tinham que fazer é demostrar o seu pretenso ideário de esquerdas fazendo políticas de esquerdas. A questom simbólica tem umha induvidável importáncia que nom há que descuidar. Mas ser de esquerdas é falar de vivenda, de emprego e de transporte público. De méio ambiente, de serviços sociais...destas cousas tam vulgares mas também tam importantes para esse povo do que Gelo necessita o seu voto, voto que nom duvidamos que pedirá.

Nem uns nem outros falam no meu nome. Estám incapazitados moralmente para fazê-lo.

Caralhada em flash

2008-06-26T16:02:00.002+01:00

Pois nada, o que é nom ter o que fazer, que com os meus exígüos conhecimentos de desenho web fixem...esta caralhada. Aproveitarei-na depois do curso, aperfeiçoarei-na com o tempo e...meterei-na numha hospedagem de pago.

Excesso espanholista, por aquilo do futebol

2008-06-24T15:43:00.004+01:00

O futebol...esse pode mais do que todos os carros de combate do exército espanhol. Fai mais espanholismo a selecçom de futebol do que todos os méios de controlo social juntos. A Corunha inundou-se neste Domingo de bandeiras espanholas, e pobre de quem puxera em causa a lizença para tudo daqueles que iam decorados com a rojigüalda no rosto. E parece que em todo o território do estado foi mais ou menos igual, excepçom feita, suponho, de Euskal Herria, onde nom imagino umha multidom afervoada agitando bandeiras espanholas na praça mais céntrica de, ponhamos por caso, Bilbao. Mas um dado que puidem conhecer hoje é que o nível de seguimento da eliminatória que enfrentou a Espanha com Itália, foi mais ou menos parecido em todas as comunidades autónomas do estado, mesmo ligeiramente superior em Euskadi a respeito da Galiza. Ou seja; realmente estamos numha sociedade onde o futebol manda muito. Porque de facto o pessoal nom celebra assim nem segue tam massivamente as conquistas desportivas de individualidades como Rafa Nadal ou Fernando Alonso, que tenhem seguimento mediático mas desde logo nom o tirom dos astros da bola hispánicos. É mais, por fazer outras comparanzas, noutros desportos como o futebol de salom, o basquetebol ou andebol Espanha sim ganha títulos (cousa da que há muitas décadas os do futebol nom podem pressomir) e tampouco se lhes fai aló demasiado caso, salvo quando jogam algumha final.

Estava eu falando polo messenger com um amigo e contava-me o medo e a vergonha alheia que lhe deu ver tal apoteosse do espanholismo polas ruas de Compostela. Evidentemente a cousa derivou em falar da oficialidade para as selecçons desportivas galegas. Este tipo de situaçons ajudam a compreender porquê Espanha nom quer permitir a participaçom em competiçons oficiais da selecçom galega, ou da catalá, ou da basca. Como vai estar disposta Espanha a dar via livre a que o desporto galego reivindique a sua identidade? Como vai estar disposta a que a sociedade galega se identifique com uns desportistas que se poderiam enfrentar a Espanha?

Por isso também se cuida muito o discurso quando a selecçom galega joga na sua cita anual. Qualquer atisbo de competiçom deve ser alonjado. O jogo da selecçom galega é "a festa do futebol galego". Claro. Nom se joga a ganhar. O resultado nom é importante. Nom se compite. A selecçom galega nom perde, nom empata, nom ganha. Nom fai história. Nom fai nada registável nem trascendível. Por isso o jogo é tudo menos um jogo, ou fai-se porque nom pareça um jogo. Sobre isto discutim agriamente há um par de anos com umha pessoa à que nom voltei saudar porque a sua percepçom do conto este era, vamos, moldeada como mínimo por El Mundo ou por La Razón. Dezia que a gente ia ao jogo da selecçom galega a "passar o rato", e que o resultado nom importava. Pois o resultado importa. Nom é igual ganhar que perder, nem é igual ganhar 1-0 que 5-0. É umha festa porque por umha vez no ano podemos ver aos nossos jogando contra a selecçom de outro país, mas nom é umha festa nos termos que o paternalismo de alguns nos pretende impôr.

A Porta Verde do Sétimo Andar

2008-06-19T17:04:00.003+01:00

Neste sábado puidemos desfrutar da companhia do Alberte (de novo), de Cruz, de Manolo e de Rosanegra. Minutos de poesia e intercámbio de experiências e reflexions, regado tudo isso com boa cerveja. Grande momento.

@s amig@s da Porta Verde obsequiarom-nos com as suas presenças, carregadas de solidariedade, de autenticidade, de compromisso. Que nom seja a derradeira vez.

(na foto, de esquerda a direita: Alberte Momán, Ramiro Vidal Alvarinho, Rosanegra, Cruz Martínez e Manolo Pipas)

Agressons contra o galego e outras línguas

2008-06-17T14:11:00.002+01:00

Estou a lêr ultimamente umha série de notícias bastante preocupantes sobre questons relativas à língua galega; umha questom que sabedes que a mim me resulta de particular interesse e que, por este motivo, sigo com atençom.

Algumhas destas notícias, em titulares, para fazermo-nos umha ideia:

La Academia Francesa no reconoce las lenguas regionales

A França pretendia implementar medidas aberturistas a respeito daquelas línguas faladas em território francês que até o de agora nom goçavam de status de oficialidade qualquer. Mas a Academia (sempre os académicos...) disentem; temerám perder parte dos seus privilégios como elite pagada com fundos públicos que som se o estado francês investe nalgum tipo de política de recuperaçom do catalám, o euskara, o bretom ou o occitano? Conhecido é o jacobinismo francês; o interessante da notícia é observar os argumentos dos académicos para aprezar de quê fontes bebem Galicia Bilingüe e grupúsculos similares.

Un joven rechaza un empleo al ponerle como condición que no hablase en gallego

Domina siete idiomas y aspiraba al puesto de recepcionista en un hotel de Vigo.

Nada novo baixo o sol (ou devo dizer "cara al sol"?). O Tangaranho já sofreu no seu dia nas suas próprias carnes como trata o sector hotaleiro à língua galega e ao povo galego. O quê pensa fazer o "governo de progresso ao respeito"? Menos dar-lhe à língua gratuitamente em declaraçons públicas e mais fazer pola língua com factos reais.

Un crego de Vedra pide na folla parroquial que desapareza o galego

"Tamén os meus pais usaron o arado romano e o carro de bois e agora úsase o tractor, o coche e máquinas modernas", comeza o texto.

...e total, para quê vamos andar com reviravoltas? No nome de Deus já se massacrou aos judeus, já se escravizou a povos inteiros, já se erigirom ditaduras que torturarom e assassinarom em massa por razons religiosas e mesmo políticas...agora toca ir a polos galego-falantes (entre eles os seus próprios fregueses?)

E no méio deste marasmo, a ridícula RAG (já digo, sempre os académicos...) zorregando aos que ousamos dizer "Galiza" (No diga usted Galiza, no diga usted Galiza...) como se os que mais nos partimos a cara neste país pola língua (que curiosamente somos os que pronunciamos o vocablo impronunciável) fóssemos os inimigos do galego. Aos verdadeiros inimigos do galego, a esses que no seu dia chamarom até de nazistas a estes preclaros e elitistas (e pusilánimes, e caricatos...) académicos, a esses, nem tocá-los. Tudo o contrário, ainda lhes presenteiam em bandeja mais umha vitória.

Apresentaçom literária no Gomes Gaioso

2008-06-12T15:14:00.002+01:00

Por motivos de tempo nom puidem actualizar antes, e, por cima, por questons técnicas nom se actualizou ainda tampouco o blog do Gomes Gaioso. Em qualquer caso dizer que amanhá às 20:30 a Porta Verde do Sétimo Andar apresentará o seu livro no Gomes Gaioso. Também estará por alí (outra vez) o Alberte Momán. Será divertido.

Galiza na euro 2008...e na Copa América!!!

2008-06-06T18:19:00.005+01:00

Ultimamente lamentava-se a imprensa oficial da ausência de futebolistas galegos na selecçom espanhola absoluta, que vai desputar a euro 2008 em breves na Áustria. Nós o que verdadeiramente lamentamos é que a selecçom galega nom poida desputar competiçons oficiais. Como isso é bastante difícil que aconteza a curto prazo, há que conformar-se com a nossa presença em forma de individualidades.

Ricardo Cabanas vai desputar a euro 2008 com a Suíça e Julio Álvarez provavelmente jogue com a Venezuela na Copa América. Os dous jogadores já desputarom jogos com a selecçom galega e os dous confessam-se galegos de coraçom. Assim que, aí está a pequena aportaçom galega às competiçons continentais de selecçons na Europa e na América. Aliás, com duas selecçons de países muito ligados com a Galiza, por aquilo da emigraçom.

Pois já há mais um pretexto para nom torzer pola Espanha, nom achades?

Vilingüismo

2008-06-04T15:10:00.002+01:00

Temos entendido que os fascistas de Galicia Bilingüe se sentem ameaçados por este vídeo. Perfeito. Já estava eu farto de que se sentissem tam seguros. Sobretudo dizer que me sentiria verdadeiramente satisfeito de que esta gentalha se achasse a quarta parte de ameaçada do que me vejo eu pola sua polícia, o seu exército e a sua igreja. A cova da reacçom tem que sofrer um pouco de dor, nom vam ser tudo festas.

Tenho que dizer que o vídeo, apesar do seu discurso um bocado maniqueio, muito devedor das teses colonialistas das que tanto gostam as gentes do "Espaço Irmandinho", AMI, Canal Histórico e similares mais achegados, tem o valor de que retrata perfeitamente o discurso dos "castelhanistas" e também os mecanismos de coerçom e repressom dos que goça o espanholismo, esses que coutam o sentido crítico e salvaguardam os privilégios da caterva espanholista.

Bem, agradecerei aos senhores de Galicia Bilingüe que me denunciem a mim também, que polo menos deixem o seu acuse de recibo incluindo-me na sua lista oficial de inimigos. Nom pensava incluir o vídeo neste blog, acontece que como estes estám protegidos polo aparelho judiciário e as forças da ordem, é de esperar que pretendam cebar-se com AMI, portanto que ninguém vaia pensar que nom me solidarizo com eles. Por outra banda, a incrustaçom deste vídeo vai-me reportar muitas visitas e, portanto,publicidade. Superará em visitas à entrevista a Mariano Rajoy?

Paternalismo metropolitano

2008-06-01T11:59:00.002+01:00

A metrópole segue a olhar-nos como a coitados, polo que parece. Até a imprensa mais espanholeira fai-se eco do que é evidente. O despreço, a fachenda, a prepotência com a que se trata a Galiza, mesmo aos seus representantes institucionais. O que acontece é que no caso do espanholismo a cousa nom tem remédio. Se aceitas o dogma de que somos umha regionzinha pobre, eternamente subsidiada, incapaz de produzir, incapaz de desenvolver as suas potencialidades, porque nom as tem, fundamentalmente, excepto as que nos concedam eles, que som os que sabem...entom tens que aceitar que te tratem de cateto provinciano que vai a Madrid a esmolar.

No caso do BNG, enfim...o que reflicte é que a trajectória marcada por Beiras e continuada por Quintana está fundamentalmente errada. O inimigo tem-te que temer para que che tenha respeito. Bom, isto fazendo umha leitura benévola do que acontece, porque...ao melhor o que se passa é que para o BNG Espanha nom é o inimigo...

Amanhá no Gomes Gaioso

2008-05-29T14:32:00.002+01:00

Sessom de música jamaicana

Na próxima sexta-feira, 30 de Maio, às 21:30, começará umha sessom de música jamaicana a cárrego do DJ ferrolano Costrojan e os corunheses Dani e The Mexican.

Costrojan já amenizou várias sessons nos diferentes centros sociais galegos e adoptou este nome artístico em alusom à sua predilecçom polos artistas que editarom sob o histórico selo inglês Trojan. Dani é, aliás de dj, saxofonista da banda de ska Dandy Fever.

Alberte Momán falará da sua última obra narrativa no Gomes Gaioso

O escritor ferrolano Alberte Momán Noval estará o dia 30 de Maio às 20:30 horas no Centro Social Gomes Gaioso para apresentar o seu último romance, “O alento da musa”. Este trabalho narrativo desenvolve-se numha cidade tam agredida pola crise industrial como pode ser Vigo, localidade na que o autor residiu durante algum tempo.

O protagonista sente-se engaiolado pola pessoa aparentemente insignificante de umha caixeira de um hipermercado. À partir daí vai imaginando o que poderia ser a história de alguém tam cinzento e esquecido. O próprio autor reconhece que a história tem traços auto-biográficos. Afinal do acto, também se lerám poemas do seu último livro electrónico, “Ferrol e o que queda por chover”.

Alberte Momán nasceu em Ferrol em 1976 e conta na sua trajectória literária com incursons na poesia, o teatro e a narraçom. Actualmente reside em Compostela e trabalha como engenheiro técnico agrícola.

Mar de fundo no PP galego

2008-05-26T17:26:00.002+01:00

Passo a reproduzir o que atopei a esse respeito hoje em Vieiros:

As balas perdidas de Génova tamén rebotan no PPdeG

Os conservadores están convencidos de que os enfrontamentos internos poden pasarlle unha forte factura nos vindeiros comicios autonómicos.

Crespo non descarta pactar nun futuro co BNG porque “na terra dos lobos hai que ouvear coma todos”

R.V. - 10:30 25/05/2008

Tags: crise Feijoo PP Rajoy

O PPdeG apoia unanimemente a Mariano Rajoy, iso é polo menos a mensaxe que se quere transmitir aos medios. O presidente dos conservadores galegos, Alberto Núñez Feijoo, está a pechar filas arredor do foi o seu mentor político. O denominado "sector duro" nucleado arredor de Esperanza Aguirre, Jaime Mayor Oreja, María San Gil e numerosos altos cargos dos gobernos Aznar, mantén o pulso para cortarlle a cabeza a Rajoy e queimar de paso as cartas nas que se apoia, nomeadamente o Alcalde de Madrid, Alberto Ruíz-Gallardón.

Fontes do PPdeG recoñecen que a "guerra civil" que vive o PP a nivel estatal pode influir, e moito, en Galiza. Nas filas conservadoras galegas dáse por feito que, de cara o futuro, Rajoy está “moi tocado” e, comezando polo seu propio líder, arelan un PP español onde Ruíz-Gallardón teña un peso específico.

Xornais como El Mundo ou a emisora radiofónica Cope, disparan sen tregua contra Mariano Rajoy e contra todos aqueles que o apoian publicamente, incluído o fundador da formación conservadora, Manuel Fraga. Esta actitude está a sorprender a algúns dirixentes do PPdeG, que lembran que a cadea de radio depende directamente da Conferencia Espicopal, que dirixe Rouco Varela. O feito de que o cardeal vilalbés e o ex presidente da Xunta compartan "patria pequena" e que incluso mantivesen unha estreita relación ao longo dos anos semella servir de pouco. Dende a súa chegada a Madrid, Rouco Varela mostrou a súa simpatía cara os sectores máis "aznaristas”.

"Os militantes están preocupados"
A grave crise que abanea o PP a nivel estatal está a inquietar ás bases da dereita galega. Un alcalde da provincia da Coruña recoñece que o que está a acontecer en Madrid está a desanimar as bases galegas: "Os militantes están preocupados porque lles parece que isto se vai desfacer todo”. Outras fontes conservadoras sinalan que os enfrontamentos van pasar factura nas vindeiras eleccións autonómicas e dan por feita unha importante caída no número de deputados.

Precisamente, as eleccións galegas, que a priori se agardan para a vindeira primavera, van ser unha dura proba de lume tamén a nivel do PP español. Os críticos dan por feita unha seria derrota dos de Núñez Feijoo, factura que non dubidarán en pasarlle a Mariano Rajoy, se para daquela o pontevedrés non ten tirado a toalla.

NUNHA ENTREVISTA NA RADIO GALEGA

Crespo non descarta pactar nun futuro co BNG porque “na terra dos lobos hai que ouvear coma todos”

O rexedor lalinense cre que de momento non é fácil o entendemento pero avogou por deixar as portas abertas.

Redacción - 13:35 25/05/2008

Tags: BNG pacto PPdeG

O alcalde de Lalín, Xosé Crespo, cre que un pacto político entre o PPdeG e o BNG non é de momento fácil mais deixou a porta aberta de cara ao futuro cun "nunca se debe descartar nada". Nunha entrevista na Radio Galega este domingo, o dirixente popular defendiu que un partido democrático nunca debe renunciar a negociar con outro que tamén o é. Botando man do refraneiro Crespo espetou un "na terra dos lobos hai que ouvear coma todos" e avogou por ser flexíbeis, sen renunciar aos principios, á hora de dialogar con outras forzas.

Crespo sinalou que os conservadores xa están a quentar motores de cara os vindeiros comicios autonómicos e mostrouse convencido de que "se o partido apreta" poden acadar a maioría absoluta. Porén, o ex vicesecretario xeral do PPdeG recoñeceu que o partido non vive un bo momento a nivel estatal aínda que se mostrou seguro de que Rajoy vai saír "fortalecido" do congreso de xuño.

Bob Dylan dá que falar na Corunha

2008-05-22T19:17:00.002+01:00

Nom sei se algum dia alguém dará calado a chúvia, o que nom cessa é a chuvieira de réplicas, contra-réplicas e reacçons a conta de umhas declaraçons de Carlos González-Garcés e sobretudo de Henrique Tello sobre Bob Dylan. Parece ser que o astro do country-rock puido ser contratado no seu dia para as festas da Corunha e o Concelho descartou contar com ele, nom se sabe muito bem se porque nom era do agrado pessoal do concelheiro do ramo, González-Garcés, ou porque pedia uns honorários demasiado altos.

Enfim, eu penso que a política cultural de um concelho nom a midem as festas, ainda que sim que penso que podem ser em certa medida um pequeno espelho do conceito de cultura que tenhem os que mandam na casa consistorial. Em qualquer caso, penso que se vanaliza de maneira intencionada, por parte dos meios de comunicaçom esta questom, nom indo ao fundo do problema que é o de sempre. Que nom muda o estilo de fazer política no Paço de Maria Pita. E elude-se a responsabilidade política. Henrique Tello puido ter dito umha verdadeira parvada, puido ser um idiota ou simplesmente um inoportuno. Mas é González Garcés o responsável deste tipo de decisons, a de descartar a Dylan e a de incluir no programa outras atracçons de discutível qualidade.

E o problema nom é Dylan ou nom Dylan, insisto. O problema é a maneira despótica de governar, sempre sob o critério dos gostos ou o capricho pessoal.

Chistes de "gallegos"

2008-05-18T20:00:00.002+01:00

Un indivíduo chamado Ricardo Parrotta, que se fai chamar escritor, jornalista e humorista, vem de publicar o seu terceiro livro de "chistes de gallegos". Piadas sobre os galegos, que mostram a este povo como um colectivo de indivíduos imbéceis e ignorantes.

Humor racista sempre o houvo. O problema é que alguns pretendem, polos vistos, elevá-lo à categoria de literatura. Há umha editora que cometeu o imenso erro de publicar este compéndio de infámias contra o nosso povo e há um autodenominado escritor ao que nom se lhe pode negar um claro olfato para cheirar o dólar, que está a fazer muitos cartos com estes livros. E eu penso que há um problema de falta de ética, de nom saber onde está o limite do tolerável no humor. Em geral, nunca gostei das piadas de galegos, nem de negros, nem de judéus, nem de ciganos, nem de árabes, nem de bascos, nem de catalans, nem de leperos. Nunca gostei, nunca lhes atopei graça.E a verdade, acho de péssimo gosto que se publiquem estas cousas. Desde logo, se umha editora galega publicasse um livro de piadas sobre argentinos, eu protestaria.

O preocupante é que parece que este indivíduo por um lado pretende tirar-lhe ferro ao assunto e polo outro defende-se atacando.Ao tempo que di nom ser racista nem albergar nengum sentimento negativo contra a Galiza, afirma que o governo galego é nazista, porque no seu web se afirma que a raza celta é superior. Homem, se isto fora assim, chamar-lhes nazistas era pouco. O problema é que umha afirmaçom assim há-na que demostrar, e temo que isso nom vai ser possível. Visito com asiduidade o web da Xunta, por diferentes motivos, e nunca vim texto algum alussivo a nengumha raza...polo menos humana (outra cousa é que se fale do porco celta ou da raza rúbia galega, que como todos sabemos é umha raza de vacas) e por aquí pode-lhe medrar outro anano ao senhor Parrotta, muito apressado em declarar o seu amor e admiraçom pola Galiza, mas que, nom contento com atacar ao povo galego, ataca às suas instituiçons. Sempre é relativa e discutível a legitimidade ou nom de qualquer instituiçom, mas desde logo há manhas dialécticas que merecem o esnaframento do funambulista que as utiliza. Eu, que nom som autonomista, rirei a cachom como o governo autonómico decida demandar a este "tipo listo".

Dia das Letras

2008-05-17T17:14:00.002+01:00

Hoje é Dia das Letras. Nom deveria ser umha data especial, ou sim mas de diferente maneira. Oxalá houvesse menos actos institucionais e mais actos arredor desta data surgidos da iniciativa popular. Que a sociedade galega assomisse a festa das letras de umha maneira participativa, que celebrasse este dia por sentir que se homenagea algo próprio.

Os problemas da língua galega nom se vam solucionar nem celebrando quarenta dias das letras mais. O que se passa é que a maneira de viver o Dia das Letras é sintomático de como se assome e se vive um facto tam decisivo como a língua. Polo demais, contribuiu esta festa a que os autores até o de agora homenageados se leram mais e se conheceram mais? Cumpriria fazer valance disso.

Este ano o homenageado é Xosé Maria Álvarez-Blázquez, que por certo era o pai do nosso amigo Celso Álvarez-Cáccamo. Pois aí vos deixo, com umha interessante compilaçom de material sobre o polifacético Álvarez-Blázquez.

Rap em Cuba

2008-05-13T19:44:00.002+01:00

Um pequeno vídeo que mostra umha realidade pouco conhecida de Cuba...a gente nova que cria, com poucos méios e muita ilusom, sem vender-se ao poderoso vizinho ianque.

SGAE e Ramoncín contra a liberdade de expressom

2008-05-12T17:19:00.002+01:00

Nom som anarquista, nem nada parecido. Nom fai falta sé-lo para estar do lado da decência e em contra do gangsterismo descarado da SGAE e o cinismo insuportável de Ramoncín. Para estar em contra da inquisiçom e a favor da liberdade.

Neste blog a liberdade é um valor innegociável. Nem a SGAE, nem a AVT, nem outras impúdicas inquisiçons que andam por aí na procura de presas fáceis tenhem sítio aquí. Sim que tenhem sítio aqueles e aquelas que defendam a justiça, a liberdade, aqueles que defendem aos desfavorecidos, aos oprimidos, aos marginalizados aos débiles.

Portanto desde este blog expressamos a nossa total solidariedade com o sindicato CNT e o sítio web alasbarricadas.org, vítimas da perseguiçom fascista iniciada polo sindicato patronal SGAE e polo chupóptero Ramoncín e apoiamos a sua campanha de contra-ataque. Que paguem os seus canapés trabalhando e nom especulando.

Heavy metal

2008-05-09T14:51:00.003+01:00

As portas do inferno abrem-se no Gomes Gaioso

A história das cousas.

2008-05-07T11:03:00.002+01:00

Paga a pena ver com atençom este interessante e didáctico vídeo sobre a sociedade de consumo na que vivemos. Convida a reflectir sobre a interessante questom de de onde provem cada cousa que posuimos e onde vai parar. As conclusons às que podemos chegar dam para pôr em causa muito seriamente o nosso estilo de vida.

A Mesa do Parlamento nom admite a trámite umha iniciativa legislativa de Esquerda Unida

2008-05-03T10:13:00.002+01:00

No ano 1992 o governo Fraga, na sua primeira maioria absoluta, tirava adiante umha reforma da lei eleitoral, que estabelecia num 5% o mínimo para ter direito a representaçom parlamentar. Claramente, o Partido Popular pretendia librar-se da presença de partidos que podiam fazer de "bisagra" que facilitasse o accesso do PSOE ao governo da autonomia. Já no seu dia, partidos minoritários como Coalición Galega, o Partido Nacionalista Galego e o PSG-EG apoiaram umha moçom de censura contra Xerardo Fernández Albor. Manuel Fraga nom desejava, logicamente, que essa situaçom se repetisse. Também esta reforma estava claramente direccionada a frear a ascensom do BNG, cousa que a tal artimanha nom conseguiu.

Esquerda Unida quer reduzir o mínimo estabelecido a um 3%. Consideram a sua ausência no Parlamento Galego como umha "anomalia democrática" (isto, em palavras do próprio Gaspar Llamazares)

A verdade é que Esquerda Unida na Galiza tem umha presença quase anecdótica, se excluimos determinados feudos onde mantenhem um núcleo de militança considerável e certo poder institucional. Nas últimas eleiçons autonómicas obtiverom um nível de apoios inferior ao 1% em todo o território da CAG, ou seja que ficarom bastante por embaixo desse 3% teoricamente mais democrático. De todos os jeitos, é umha reivindicaçom legítima, naturalmente.

Mas o problema da democracia real na Galiza ou no resto do mundo nom se cinge a mínimos eleitorais. O problema está numhas normas do jogo democrático que, em geral,permitem todo tipo de cacicadas e traiçons. O deputado ou concelheiro de turno obstenta o seu cargo durante anos, sem submeter-se a nengum tipo de controlo, sem que se lhe poida revogar do seu posto.Se és um representante do povo, tens-te que submeter ao controlo do povo. E o sistema que temos aquí nom permite um controlo directo; limita a capacidade de decisom da gente da rua ao sufrágio, exercício de participaçom cidadá que a propaganda oficial nos vende como o summum da democracia. É claro que enganosamente.

Essa deveria ser a verdadeira batalha da esquerda em geral, e nom andar regateando sobre percentagens mínimas para entrar no Parlamento. Parece que Esquerda Unida mais do que reivindicar umha causa de justiça democrática o que está é a reclamar um privilégio. O privilégio de entrar no bando dos "maioritários" e poder assim participar do festim institucional com mais cacho.

A vida como corrida de obstáculos

2008-05-02T16:40:00.002+01:00

Comecei a ter curiosidade por esta modalidade de desporto urbanícola a raíz de que no bar do meu irmao tinha alguns vídeos que, por certo, pom muito a miudo. Tenho sana inveja destes atletas, que vam pola vida com umha filosofia muito peculiar que se poderia resomir em: porquê vou rodear esse prédio se o poido escalar?