Em liberdade os três militantes de Briga detidos

Na manhá de ontem, os jovens independentistas galegos Afonso Méndez, Vreixo Formoso e Borja Neves eram postos em liberdade com cargos, trás declarar perante o juíz. Finalmente estám pendentes de juízo por danos e nom prosperou a pretensom de também lhes acusar de injúrias ao exército.

De qualquer jeito, nom será o último caso de repressom a todo o movimento de protesto que gerou a escolha da cidade da Corunha como sede dos actos do "Dia de las Fuerzas Armadas". À parte de demostrar a nossa disconformidade com a provocaçom que supom a celebraçom de tal evento aquí, temos que ganhar-lhe o pulso a umhas forças de segurança do estado que vinherom a amedrentar a aqueles sectores da populaçom propensos a protestar. Nom podemos permitir que os responsáveis policiais estejam tam tranquilos como para declarar perante a imprensa que as forças resistentes aos fastos da festa do exército espanhol nom se vam fazer notar o 29-M. Esse dia, tod@s na Corunha, protestando contra o desfile!!!