quinta-feira, maio 05, 2005

Mentiras

Um méio de comunicaçom pode ser umha extraordinária ferramenta para umha comunidade, ou pode ser umha arma partidarista. As empresas de comunicaçom, naturalmente, tenhem interesses, obedecem a interesses. Nom som equánimes, nem som objectivas. Mas as linhas editoriais podem ser mais sectárias ou menos sectárias. No caso de A Nosa Terra, nom só nom há pudor, é que aliás fai-se alarde de ser um méio fortemente instrumentalizado polo BNG. Bem. Nengum problema. Se El Correo Gallego pode ser do PP, porquê nos vamos escandalizar de que A Nosa Terra seja do BNG. Neste país nom se disimulam as fílias e as fóbias, porquê lhe vamos exigir a A Nosa Terra o que nom se lhe exige a ninguém. O problema de A Nosa Terra nom é que seja do BNG. O verdadeiro problema é o seu desconhecimento das mais elementares normas da ética jornalística. Nom há nem rigor, nem elegáncia...por nom haver, nem haverá ciência. É um jornalismo sectário, mas aliás muito medíocre.
No número desta semana, dedicam-se a insultar à esquerda independentista, a difamá-la. Nom é a primeira vez que o fam. Desta vez tenhem o descaramento de acusar a NÓS-UP de planificar todos os incidentes que acontecerom na manifestaçom do Primeiro de Maio em Vigo...rotura de montras, agressom a um policial municipal...mas é para nom perder-se o relato da carga policial que se deu momentos antes de a convocatória se disolver. Segundo estes génios do jornalismo, que som os rapazes de A Nosa Terra, o grupelho de militantes de NÓS-UP que protagonizou todos estes incidentes, mesturou-se com um grupo de manifestantes formado por famílias predominantemente, e no que abondavam carrinhos de bebé e meninhos de curta idade. Desde alí dedicarom-se a insultar à dotaçom de anti-distúrbios que irrompia na Porta do Sol. Esta provocaçom, originou a brutal carga da polícia espanhola. É dizer; quê malévolos som estes de NÓS-UP que provocam à polícia para que cargue sobre famílias entre as que pode haver crianças e avozinhos.
Estes misseráveis de A Nosa Terra dam-lhe mais umha volta às suas acusaçons taimadas para citar na sua secçom "Aldea Global" umha suposta conversa entre independentistas "no pub A Revolta" (tome-se nota de que nom há tal pub, que é um centro social) no que alguém fai um comentário nestes termos: "A que lhe metimos à CIG", comentário que é celebrado com gargalhadas polo resto do grupo. Esta...seudo-notícia, nom merece credibilidade algumha. É umha mentira que tem como finalidade reforçar a ideia de que "foi NÓS-UP" e que aliás NÓS-UP agiu com umha clara intençom de perjudicar à CIG, já que, segundo eles, NÓS-UP está a desenvolver umha campanha contra a CIG. Bem; esta tese é totalmente falsa porque a CIG é o sindicato onde a maior parte dos filiados e filiadas de NÓS-UP estám associados e associadas, e é também o sindicato de referência para a imensa maioria d@s que nom estám sindicad@s. Quê interesse pode ter para NÓS-UP atacar à CIG? O que sim há é umha campanha da UPG, maioritária no BNG e na CIG, e também nos conselhos de redacçom e administraçom de A Nosa Terra, para expulsar a esquerda independentista da CIG. A negativa dos dirigentes desta central a se solidarizar com determinadas pessoas repressaliadas por incidentes relacionados com greves ou com convocatórias da CIG, só porque estas pertencem ao contorno de NÓS-UP é um indício bem eloqüente. Nom é o único. A manifestaçom da CIG na Corunha nom tivo incidente nengum, mas deu-se umha situaçom que se vem repetindo com freqüência crecente; um conato de enfrentamento com membros de Galiza Nova, ao parecer porque NÓS-UP rompera a ordem pre-acordada entre os diferentes cortejos da manifestaçom. Um acordo do que, por suposto, nom tinha notícia NÓS-UP e que nom respeitou (só faltava). Essa hostilidade gratuita tem a finalidade de fazer entender aos e às independentistas que som intrusos nas convocatórias onde o autonomismo é hegemónico.
Acontece também que as manifestaçons da CIG este ano foram mais pensadas para a foto eleitoral que para o fechamento de fileiras entorno à causa operária. A presença independentista era umha nódoa nessa foto. Ainda por cima, o pior que podia acontecer em Vigo para os interesses bloqueiros, aconteceu. A Anxo Quintana escaralharom-lhe o passeio dominical.

7 Comments:

At 6:44 PM, Blogger Le Corbeau said...

Muito por acaso, deparou-se-me esse blogue, gostei dele!

 
At 12:03 AM, Blogger Ehus Mahot said...

sms
Cousas que nos chegam por sms:

"Campiom do mundo de mountain bike provoca destrozos em mobiliário urbano em Vigo, esta fim de semana. Estamos a aguardar pola condena da CIG (passa-o)".

E como diziam os outros (eram outros também os tempos), se isto vos parece hermético, temos abrelatas.

Outro dia falaremos do tema da normativa.

http://autoclismototal.blogspot.com/2005/05/sms.html

 
At 11:03 AM, Blogger xávi said...

Sem embargo, para a polícia "Quintana teria incitado @s manifestantes a respostar o ataque repressivo", segundo informa galizalivre.org.

Cada um com as suas mentiras, isto é um escândalo.

Saúde

 
At 12:49 PM, Anonymous Smoke said...

Drugs are just bad, you should try to use Herbal Alternatives as a temporary replacement to loose the dependance!

 
At 3:41 PM, Anonymous Anônimo said...

Thank you!
[url=http://hkegymug.com/uzje/tdoj.html]My homepage[/url] | [url=http://cuiugyfk.com/xoec/piuz.html]Cool site[/url]

 
At 3:41 PM, Anonymous Anônimo said...

Good design!
My homepage | Please visit

 
At 3:41 PM, Anonymous Anônimo said...

Nice site!
http://hkegymug.com/uzje/tdoj.html | http://xigeeaov.com/hdan/bvfx.html

 

Postar um comentário

<< Home