Sobre relíquias fascistas

No outro blog já falo de outros aspectos relacionados com este tema, em todo caso eu aquí vou fazer fincapé em dous factos simultáneos: o nomeamento de Fraga como sócio de honor da ordem de Cavaleiros de Maria Pita, por um lado, e polo outro a detençom de três pessoas no Sul da Galiza acusadas de "atentados" contra monumentos fascistas.

Simplesmente, porque a cousa nom dá para divagar demasiado, assinalar a dupla moral existente neste sistema, neste estado...por um lado se prémia e homenageia a ex-partícipes de um governo criminoso e ditatorial com fundos públicos e, polo outro, detem-se com umha cenificaçom própria de umha acçom contra um grupo armado a três activistas do NÓS-UP por acçons contra a simbologia fascista. O tema de Fraga é complicado, umha vez que Fraga é só um dos muitos quadros reciclados do franquismo por muito que seja todo um ícone, ainda que também é certo que se é ícone é por algo...quiçá porque foi ministro da governaçom de Franco. Mais singelo é o da simbologia fascista. Nom há que protegé-la, nem restaurá-la, nem há que fazer outra cousa com ela que retirá-la. Será tam difícil de entender?