Prospera umha querela contra Pepe Rubianes

O actor catalám de origem galega vai ser julgado proximamente por "aldragens a Espanha". O motivo, umhas declaraçons feitas no programa de TV3 "El Club". E os demandantes , umha tal Fundación para la Defensa de la Nación Española. Um destes chiringuitos fascistas que ultimamente tanto proliferam. Parece que a ironia nom se dá bem com o pensamento totalitário. Já o defunto Suso Vahamonde pagara caro o alçar a voz contra o abuso e o aferrolhamento, contra o abafo ("Quando me falam da Espanha, sempre tenho umha desputa...") O cómico defende-se, e di que cousas piores se dim da Espanha e da Catalunya todos os dias nos bares. E nom é verdade? Da Catalunya e dos cataláns escuita-se falar bem e mal e pior em toda a parte, a todas horas, fora e dentro da Catalunya. Mais bem mal do que bem, por inveja e pola impotência que cria o sentimento nacional catalám que há maioritariamente na sociedade catalá. E agora venhem a purgar a sua impotência nas carnes de Pepe Rubianes, que nom fixo mais do que expressar de umha maneira humorística um estado de ánimo. Furgando no web desta curiosa associaçom, aclaro o maior interrogante que me assaltou ao lêr a notícia de que Pepe Rubianes seria julgado, que era quem pode ter tam "mala hostia" e tanto tempo livre para se preocupar do que este senhor dixera num programa da tv, há já tanto tempo que a maioria nem nos lembrávamos. A resposta estava no florido elenco de membros honoríficos: Alejo Vidal Quadras, Jon Juaristi, Amando de Miguel, Gustavo Bueno...para quê seguir? Os de sempre, fazendo de polícia do pensamento.