Naturalmente que Aznar é um fascista
...e poderá alguém explicar-me em quê se ofende a Espanha por afirmar que Aznar é um fascista? Vamos ver; José María Aznar é um notável ultradireitista que promove o ódio aos povos muçulmanos nas suas palestras. José María Aznar é um entusiasta defensor das (más) artes da guerra e hoje é conhecido que lhe recomendou a Clinton bombardear o prédio da televisom sérbia. Também, sob a mentira das armas de destruiçom maciça, participou naquele brindis sanguento das Açores, no qual se lhe declarou a guerra ao Iraque. José María Aznar é um dos ideólogos desse partido que sistematicamente se nega a condenar o franquismo. Do partido que, ainda a dia de hoje, segue a afirmar que a ETA está trás o atentado do 11-M. E, por último; a sua connivência com o intento de golpe de estado em Venezuela é innegável... todos estes méritos nom o fam merecedor do qualificativo de fascista? Por outra banda, a mim o que me parece, a conclusom que tiro do visto a travês das imagens de Telesur, é que o talante do Presidente Zapatero fai-se anaquinhos, desaparece, quando há um bocado de debate a sério. A delegaçom espanhola, sem dúvida, pensava que ia à cimeira a recolher elógios...e nom foi assim. Tivo que se enfrentar dialecticamente com outras delegaçons (nom apenas com a de Venezuela) e parece que alguns, como o Bourbón, nom o encaixarom bem.
3 Comments:
Bon, anque poida estar dacordo no fondo, creo que hai un chisco de formas que nos poden levar a engano...
O problema está nos significados das palabras, claro, e na carga ideolóxica que se lles dá. Qué é ser 'feixista'? Se empregamos unha definición histórica e académica, Aznar non o é (anque posíbelmente o fose, de mozo). Franco mesmo sería suxeito de debate, con historiadores que se decantan a favor ou en contra...
Por suposto, evitar a denominación 'feixista' non debera ser un 'atenuante' para conductas terríbeis e reaccionarias. O tema é que como o consenso social dende o 45 cargou 'feixismo' dun significado malévolo, a esquerda tende a empregalo como etiqueta que arrebolarlle a todo movimento dereitista forte. Do mesmo xeito que os ultraliberais do cuño losantos acusan aos defensores do estado do benestar, e ao PSOE (??) de 'comunistas'.
Aznar sería máis ben un neocón. Un personaxe reaccionario, mal reconvertido, como o seu movemento político, dos sectores conservadores da antiga Dictadura Nacional-Católica (dictadura, por certo, moitísimo máis cruenta para os seus cidadáns do que nunca o foron o Nazismo e o Feixismo Italián cos seus). É como dis un lacaio sumiso do Novo Orde Imperial Norteamericano, colaborador silencioso de golpistas latinoamericanos, un nacionalista español raiboso e inimigo da diversidade estatal, un aticomunista visceral, e moitas outras cousas horríbeis. Agora, no tema do 'feixismo', creo que (polo momento), non é defensor dun estado corporativo de partido único, da persecución dos xudeus e da dictadura persoal dun dirixente inspirado, xunto con cultivador dunha falsa retórica entre o nacionalista e o socializante).
O que me leva a pensar no seguinte razonamento: Aznar é fascista igual que o PP e os correlixionarios que apoiaron nas súas decisións e actitudes ao lider conservador, no mesmo sentido os votantes que coñecendo o proceder fascista de Aznar e o seu partido, votaron libremente ao PP, votantes fascistas e polo tanto e o que se vota nas xerais, autonómicas e municipais, Galicia é moi fascista e é probable que teñamos pais, nais, avós ou tios fascistas...
Así que si Chavez di que Galicia é fascista ou semifascista, probablemente teña razón e probablemente haxa moitos antepasados galegos partícipes do xenocidio indíxena que denuncia o comandante.
Mais aló de disquisiçons de tipo científico, sobre se em rigor é correcto dizer que o franquismo foi um regime fascista, que nom o foi precisamente porque faltava um elemento, o do partido único, o que a mim me segue a chamar a atençom é isso de que chamar fascista a Aznar é insultar a Espanha e os espanhois, e de que a Zapatero lhe correspondia defender a Aznar frente a essa acusaçom. Nom o acabo de entender muito bem, a nom ser que Zapatero e o Borbón estejam a partilhar algum tipo de terrível segredo com Aznar.
Por outra banda, é certo que Aznar nom é formalmente partidário de um regime fascista para Espanha, ainda que me dá a sensaçom de que ao melhor tampouco lhe desgostava tanto. Ainda lembro as declaraçons de Mayor Oreja, falando da placidez na que vivia a sociedade basca sob o franquismo...seguro que nom é o único que pensa assim dentro do PP. Ao contrário, muitos pensam assim.
Ao visitante anónimo, dizer-lhe que com efeito, os povos podem ser culpáveis e som culpáveis das viragens que dá a história do seu país.Para bem e para mal. Nós também. Com efeito, na Galiza há trescentos mil votantes à extrema direita. E na França, há quatro anos, Le Pen chegou à segunda volta das presidenciais.É-che assim, estám aí porque alguém lhes vota.Mas tam "muito fascista" pode ser Galiza como Venezuela, ou seja, se um 60% dos venezuelanos votarom Chávez, será porque um 40 votou no candidato da COPEI. Estamos a falar de milhons de venezuelanos. Cair num simplismo assim, nom creio que leve a nada produtivo.E, por outro lado, Chávez será um tipo um bocado rudo nas suas formas, mas parvo nom é, e sabe que na Galiza, como noutros lados, tem simpatizantes da sua versom de socialismo. Nom vai ser tam burro de ofendê-los. E claro que tenho parentes "fascistas". Como tu e como tododios. Em quase todas as famílias há de tudo.
Postar um comentário
<< Home