segunda-feira, abril 04, 2005

Novo sucesso do Tangaranho

O dia 2 celebrou-se um novo evento do Tangaranho Vermelho, desta vez tratou-se da apresentaçom de "Botar o mar polos ollos", primeiro poemário editado de Alicia Fernández. Aproximadamente umhas vinte pessoas terám assistido, nom todas caras conhecidas, o que dá prova de que a publicitaçom do acto funcionou bem, e isso apesar de que a maioria dos méios de comunicaçom aos que enviei a informaçom nom ressenharom nada. Tenho que agradecer sinceramente, isso sim, a ajuda de todos os locais que me permitirom colar o cartaz do acto, e de todas as pessoas que se fixerom de algumha maneira eco da apresentaçom colaborando na colagem de cartazes (aí estiverom a Íria, a Genma e o Vreixo) e ao Xurxo Souto por ter dado saida à notícia desde o seu programa, "A Tropa da Tralla". Naturalmente, também ao Alberte Momán e aos companheiros da Incomunidade e de abretedeorellas.com. Também ao Portal Galego da Língua.
Pois foi um animado e interessante acto, no que a amiga Alicia adiantou ao público pequenos anacos do que para mim é umha excelente opera prima, e no que a Yolanda Castaño fixo umha original e amena introducçom. Foi muito de agradecer o alento com a sua presença do Alberte Momán e também a do Mário, que chegou a última hora, mas chegou. Alí também estava toda umha veterana do mundo blogueiro, a Sabela, e também o nosso vizinho Xávi. Também chegarom a muito última hora o Pepe Cunha, o Miguel Llamas e o Diego Villar. O Pepe chegara já tarde e estivo no A Treu tomando umha cerveja, mas já saia para o concerto do Rodrigo Leäo, o Diego tivo que atender às suas responsabilidades familiares, e o Miguel Llamas fixo comnosco um bocado de turismo etílico pola cidade herculina.

8 Comments:

At 11:52 AM, Blogger ilugris said...

Tangaranho: http://ovniseisoglosas.blogspot.com/2005/03/o-mar-polos-olhos.html

; )

Saúdos

 
At 10:20 PM, Blogger Sabela said...

Veterana, si. Isto lembra-me a umha cançom de lendakaris muertos:

soy un veterano de la kale borroka, dame mi pensión o te parto la boca!! xDDDD

 
At 9:07 PM, Anonymous do-ente said...

obviamente o "susexo" é da alizia. Exclusivo

 
At 12:35 PM, Blogger tangaranho said...

Ignoro quem és, meu caro...mas o trabalhinho de organizar o acto, é do Tangaranho, sem prejuízo de que, obviamente, quem foi foi ver a Alicia. A cada quem o seu, e, naturalmente, Botar o mar polos ollos é um excelente poemário.

 
At 2:55 PM, Blogger tangaranho said...

Bom, devo desculpar-me, porque polos vistos interpretei mal o comentário de do-ente: "susexo"; bom jogo de palavras.

Pois eu Sabela, espero que a minha kale borroka nunca seja subsidiada. A agitaçom cultural que exerço baixo as siglas do Tangaranho é kale borroka pura e dura.

 
At 8:30 PM, Anonymous Anônimo said...

"Turismo etílico, turismo etílico...", bebes quarenta cervejas ou meia dúzia de "cubatas" e já estão a exagerar...

 
At 9:57 PM, Blogger tangaranho said...

Já sabia eu que o Mário ia ter algo que dizer...nunca ficamos contentes, eh...?

 
At 9:42 PM, Blogger tangaranho said...

Bem, comunicarom-me dous falhos neste post...primeiro, que nom nomeei ao Manuel (erro imperdoável!!!)e segundo que também deixei de nomear ao Igor. Pois que saibades que nom me esqueço de vós. Um abraço...

 

Postar um comentário

<< Home