Dez x Dez

O Centro Social Henriqueta Outeiro, da capital da Galiza, acolhe no próximo sábado dia 9 de Junho o acto poético de apresentaçom da obra Dez x Dez, lançada pola editora do nosso partido com motivo da comemoraçom do décimo aniversário da constituiçom de Primeira Linha. A obra serve também para iniciar umha nova colecçom, Cabeça de Égua, que vem enriquecer a oferta da Abrente Editora. Umha colecçom que tem por objectivo difundir criaçom literária galega, contribuindo assim para reforçar o nosso sistema cultural com propostas reintegracionistas de qualidade. É esse, sem dúvida, o caso da colectánea de dez poetas galegos e galegas que oferecêrom umha mostra inédita ou pouco conhecida da sua obra para completar este volume. Nom podemos deixar de mostrar, daqui, a nossa gratitude a Carlos Quiroga, Séchu Sende, Artur Alonso Novelhe, Suso Bahamonde, Maria Lado, Igor Lugris, Kiko Neves, Baldo Ramos, Concha Rousia e Ramiro Vidal. Alguns e algumhas delas estarám presentes, no próximo sábado, no acto de apresentaçom da obra. Além de nos falarem sobre a experiência literária que supujo, dedicarám livros e, naturalmente, recitarám poemas para o público presente. O acto começará às 20 horas no Centro Social Henriqueta Outeiro, na compostelana rua Quiroga Palácios, 42.