quarta-feira, fevereiro 20, 2008

Veto a Galicia Bilingüe

À atençom do Presidente da Cámara Municipal de Oleiros;

Pola presente, e como vizinho deste concelho, e sobretudo como membro do povo galego, transmito-lhe a minha fonda preocupaçom pola previssível chegada a Oleiros do autocarro de Galicia Bilingüe. Esta associaçom, que di perseguir a “igualdade” na Galiza do galego e o castelhano, em realidade tem outros objectivos bem diferentes.

O que verdadeiramente defende a associaçom Galicia Bilingüe, é perpetuar os ilegais e ilegítimos privilégios dos indivíduos castelhano-falantes na Galiza, mesmo por cima dos direitos da comunidade galego-falante.

Além disso, nom fai falta mais do que botar umha vista de olhos ao web de tal associaçom para se decatar que o objectivo estratégico derradeiro de Galicia Bilingüe nom é o da “liberdade lingüística”, mas o de varrer o galego da vida social e institucional do nosso país.

Nesta associaçom existem elementos que nom duvidam em fazer alarde da sua xenofobia anti-galega, pondo naturalmente o acento desse ódio na adversom a algo tam definitório como é a língua. Se se duvidar disto, nom há mais que visitar o foro do seu web e ver as disertaçons e outro tipo de material e manifestaçons que os próprios membros e simpatizantes da entidade colocam nele.

É perigoso para a convivência cidadá a presença desta associaçom no nosso termo municipal, e muito mais o desenvolvimento das suas actividades no mesmo. Insultar à língua galega falseando a história, ou minusvalorando-a como idioma, ou desprezando as manifestaçons artísticas e culturais na nossa língua nom é só ser hostil à língua galega, é ser hostil ao povo galego.

Portanto emprazo-o a nom permitir o estacionamento do autocarro de Galicia Bilingüe no termo municipal, e a nom facilitar a esta entidade nengumha instalaçom municipal para que desenvolva a sua actividade.

Atentamente,

Ramiro Vidal Alvarinho

e-mail do Concelho de Oleiros: alcaldia@oleiros.org

5 Comments:

At 3:19 PM, Anonymous breogain said...

dende Pontevedra tédelo noso apoio, non sei cando chegará o bus por aqui pero supoño que tamén haberá polémica.

saúdos dun galego

 
At 10:28 PM, Blogger Suso Lista said...

A ver se teñen güevos de vir a Costa da Morte

 
At 11:06 PM, Blogger paideleo said...

Eu enteireime de que andaron polo Porriño.
Foi mágoa porque había de preguntarlles un par de cousas a ver que me dicían.

 
At 4:34 PM, Blogger tangaranho said...

Estám a fazer um varrido por todo o país; dim que ao acto de Vigo ontem assistirom umhas 2.000 pessoas e GB assegura que tem 50.000 assinaturas, nom se sabe muito bem para o quê. 50.000 incautos que lhes deixarom a sua assinatura, provavelmente sem entender muito bem para quê e como vam ser utilizadas. A questom é que, à parte da quantidade de assinaturas que fam falta para apresentar umha ILP, que suponho que é isso o que pretendem apresentar, também está por ver se passa dos serviços jurídicos do parlamento. Porque essa é outra; a ver a maneira e os termos em que apresentam a "cousa". Teoricamente, se colide com o Estatuto de Autonomia, nom vam ter maneira de que isso chegue ao hemiciclo.

 
At 10:49 PM, Anonymous Anônimo said...

Soio poden firmar os que tenhen as suas ideas. ou tamen os que enganan,fai poucos dias tiven uma convbersa con alguen que creia que eran utro tipo de asociacion.

 

Postar um comentário

<< Home