terça-feira, março 11, 2008

As idades do Tangaranho

Amanhá irám três décadas e meia de Tangaranho, para desgosto de bastante gente, e suponho que também para gosto de algumha. Em qualquer caso, amanhá farám 35 anos que, no Hospital de Caridade de Ferrol viu as suas primeiras luzes quem costuma postear neste humilde blog. Vou-me permitir a liberdade de me auto-homenagear. Quatro cançons. Em honor às três décadas que vivim e esta que estou pendente de cumprimentar.

The Clash - Complete Control (Década 70 - 80)



Los Ilegales - Odio los pasodobles + Tengo un problema sexual (Década 80 - 90)



Negu Gorriak - Hator Hator (Década 90 - 00)



Skacha - En Marcha (bonus track)



Notas a rodapé:

The Clash: para mim umha das melhores bandas dos anos da new wave e o primeiro punk. Sem discusom.

Los Ilegales: poucas bandas espanholas e em espanhol tenhem umha história tam reivindicável como esta tam controvertida banda asturiana, que leva às suas costas já um monte de anos de bom rock and roll. Há miles de vídeos no youtube em melhores condiçons de Los Ilegales. Mas queria pôr este, porque coincide que é do primeiro concerto de rock ao que fum na minha vida.E o leit motiv tocava-me de bastante perto: era em solidariedade com os trabalhadores de ASTANO, durante aquelas movilizaçons do 86. No velho pavilhom da Malata.Tempos...

Negu Gorriak: Outro concerto histórico, nada menos que às portas de Herrera de la Mancha, perante centos de familiares e amig@s de pres@s basc@s.

Skacha: Um valor indiscutível no rock galego. Dezaoito anos dando umha tralha impressionante.

7 Comments:

At 5:44 PM, Anonymous Anônimo said...

Pois parabéns, meu. Que queres que che diga, eu acabo de completar as quatro décadas. As quatro primeiras, claro... Saúde,

Mário

 
At 6:27 PM, Blogger alberte momán said...

parabéns compañeiro. Malia que semelle que é moito o andado, aínda é moito máis o que resta, positivamente.
adiante, pois.

 
At 10:45 AM, Anonymous Anônimo said...

PARABÉNS, TANGARANHO!!!



...Imos maiores, cache-na-cona!

Bueno, non fai mal. Peor sería nun cumprilos! O caso é seguir MEDRANDO.
Coma fai voçé!
(o sentido é obviamente figurado).

Estamos contigo no humano.
Un bico gordo!
Yolanda

 
At 10:48 AM, Blogger tangaranho said...

Nom sei muito bem eu se o andado é muito ou é pouco, mas o que mais me inquieta é nom saber com certeza se o andado é andado com proveito de abondo.

 
At 2:52 PM, Blogger Mario said...

Parabéns, rapaz (moitos somos os de marzo!!!), a seleción musical impagábel, como era de agardar da túa parte.

 
At 3:42 PM, Blogger tangaranho said...

Enfim, a selecçom musical...hehehe...é com critérios mais pessoais do que outra cousa, porque para isso é umha auto-homenagem, ainda que me alegro de que o pessoal goste dela.

Como dado, dizer que afortunadamente nom fixo irrupçom neste dia o pack CCCP. É a grande besta esnafra-dias de anos dos nossos tempos.

 
At 12:59 PM, Anonymous hormiga said...

Parabens, eu acabo de facer tamén as tres decadas e media pasadas. Da tua autohomenaxe o que máis me gusta é negu gorriak

 

Postar um comentário

<< Home