quarta-feira, março 12, 2008

O filho da Anita


Rogelio Prieto Vidal é o nome do herói ao que Javier Adrián Ferreiro Barreiro lhe deve a vida. Rogelio é um herói circunstancial, como muitos outros heróis. Um nom escolhe, polo geral, ser herói; simplesmente na vida aparecem circunstáncias nas que o instinto te leva a agir de maneira heróica.

É o que aconteceu com Rogelio Prieto: caminhava como cada dia polo passeio do Orçam cara a sua casa de Monte Alto e foi surpreendido por umha onda gigante que o arrastou vários metros. Alí estava o pequeno Javier Adrián, que ia ser engolido polo mar quando Rogelio o segurou polos braços e, com essa acçom, salvou-lhe a vida.

A história é bem peculiar e conhecim-na ontem, só que hoje puidem ver os rostos, nomes e apelidos dos protagonistas...e resulta que a nai do cativo vem sendo Ana Maria Barreiro, para os companheiros e amigos Anita. A Anita impartilhou comigo os obradoiros de verao da Cruz Vermelha na Corunha: eu estava a fazer práticas de Monitor Sócio-Cultural e ela de Educaçom Social, e agora somos os dous voluntários de Juventude. Quê cousas tem a vida, abrir um dia o jornal e ver a umha amiga sendo notícia por umha cousa destas. Em realidade, é um bom presente de anos, ver à tua amiga no jornal por umha notícia assim, e nom pola tragédia que estivo apiques de acontecer.

Di a Anita: "À partir de agora, vou-lhe celebrar duas vezes o dia de anos"...nom é para menos! O Javier pode dizer que nasceu duas vezes!!!

3 Comments:

At 4:02 PM, Anonymous F. Miguez said...

Ousexa, que está vostede hoxe de cumpleanos, igual que a miña nai.
Reciba os meus parabéns :) (polo seu aniversario, non pola coincidencia, claro)

 
At 10:44 AM, Anonymous Anônimo said...

moitas grazas, compañeiro!!! non sabes o que significa para min nestes momentos que me adicaras a tua paxina!!! es un crack!!! contame o tema do curso e como quedou todo, vale???
bikos miles

 
At 10:44 AM, Anonymous anita said...

a de antes son eu!!! jiji, ainda non sei como funcionan estas cousas!!! bikos

 

Postar um comentário

<< Home