segunda-feira, julho 04, 2005

Solidariedade com Antom Moreda

CAMPANHA DE AJUDA SOLIDÁRIA COM ANTÓM MOREDA

Prezad@ amig@ e companheir@:

Diriximo-nos a tí para che comunicar que imos fazer umha homenagem a Antóm Moreda o próximo dia 16 de Julho, que consistirá, entre outras cousas, numha ceia de Irmandade.
Antóm Moreda leva mais de trinta anos no Sanatorio Psiquiatrico de Castro de Ribeiras de Lea (chamado actualmente Centro Assistencial e Reabilitador “San Rafael”) por nom ter familia que o acolha nem morada na que viver. O nosso Irmao Antóm passou a maior parte da sua vida dedicado à defesa dos interesses do Povo Galego, chegando a ser Secretário Geral das Mocedades Galeguistas na Argentina, que tam importante papel jogárom na resistencia antifascista e no mantimento dos valores e ideoloxía nacionalista, nomeadamente da mocidade galega no exilio. Ao seu regresso do exilio, Antóm foi Secretário Geral do Conselho da Mocedade, quando do Conselho da Mocedade fôrom expulsos, polo galeguismo apenas culturalista, os membros de esquerda, entre eles o próprio Antóm, que também perdeu o trabalho na Editorial “Galaxia”.

Dentro do Sanatório Psiquiátrico de Castro, será fundador (e principal promotor) da revista “Falemos” e, desde o ano 1992, Presidente e co-fundador da “Associaçom Gaiola”, que fizo vários actos públicos contra a marginaçom, e que publicou três números da revista “Gaiola Aberta”, também dedicada à defesa das pessoas marginadas (nomeadamente dos/as enfermos mentais), da cultura popular e do idioma galego.

Hoxe, Antón, que continúa internado no Sanatório Psiquiátrico de Castro, está levando a cabo umha investigaçom sobre a História do Conselho de Galiza e do nacionalismo na emigraçom americana, dirixido polo professor Justo Beramendi, investigaçom que nom interrompeu nem sequer durante os meses que durou umha penosa doença física que o obrigou a permanecer em tratamento intensivo durante mais de cinco meses, e outros tantos em cadeira de rodas depois de fracturar o fémur numha caída. Com esta homenagem, pretendemos render reconhecimento ao nosso Irmao Antóm. Pouca cousa, para um homem entregado por completo à Causa do Povo Galego.

Se estiveres interessad@ em assistir a este Acto, e queres reservar o teu coberto para a ceia, comunica com o Comité Organizador através de qualquer dos endereços que ajuntámos, a ser possível antes do dia 10 de Julho. Abrimos umha Conta de Solidariedade com Antón Moreda no Banco Gallego, dada a sua precária situaçom económicaque estará aberta até o dia da homenagem, é dizer o dia 16 de Julho. Deste tema, informamos-te com detalhe no dorso desta folha.

CONTA CORRENTE DE SOLIDARIEDADE COM ANTÓM MOREDA

Dada a precariedade económica na que se atopa Antóm acordamos abrir umha conta corrente no Banco Gallego para paliar esta situaçom. Esta conta estará aberta só até o dia da homenagem. O dinheiro recaudado até esse dia será entregado a Antóm num cheque. Podes remitir a tua aportaçom solidária à seguinte Conta:

BANCO GALLEGO
Nº Conta: 0046 0040 7 7 0000005916

Os que queiram fazer aportaçons económicas aparte da conta corrente podem-se dirigir a qualquer dos endereços de contacto que se indicam.

CEA - HOMENAGEM:
Lugar do Acto:
Restaurante “O dezaseis” (Rua de San Pedro, 16)

Dia:
16 de Julho
Hora:
21:30 h.
Preço da ceia:
24 Euros

Membr@s do Comité Organizador recaudarám o pago do menú antes da cea.

Para confirmar a tua asistencia comunica com nós através de qualquer dos números de contacto.

TELEFONES / E-MAIL DE CONTACTO COM COMITÉ ORGANIZADOR:

Ramóm Muntxaraz e Pilara Martínez:
rmuntxaraz@yahoo.es
Tfne: 981 891740 *** 619915835

Luis "Foz":
luisfoz@gmail.es
Tfne: 981 890723 *** 669357012

Joám Lópes Péres e "Pim": Tfne: 981 380038 *** 652659413

Companheir@s do Comité Organizador:

Joám Carlos Ánsia; Luz Fandinho; Luis Gonçáles Blasco ("Foz"); Eva Loira; Joám Lópes Peres; Pilara Martínez Otero; Ramóm Muntxaraz; Pilara (Pim) Patinho.

Na Terra, Junho de 2.005

1 Comments:

At 7:00 AM, Anonymous Anônimo said...

Your blog keeps getting better and better! Your older articles are not as good as newer ones you have a lot more creativity and originality now keep it up!

 

Postar um comentário

<< Home