Ardeu o Vale do Gestoso, cento e cinqüenta hectares nada menos de monte que pertence aliás ao parque das Fragas do Eume. Umha grande perda ambiental e paisagística. Levamos décadas com o monte a arder sem trégua, começam a aparecer os primeiros sintomas de desertizaçom. O problema é sério, e de facto há vozes desde o ambientalismo que já afirmam que nom é certo isso de que a maior catástrofe ambiental acontecida na Galiza seja a do Prestige.

O monte deixou de ser um bem social, perdeu a sua funcionalidade. E agora, com o agro desmantelado, como revalorizamos o monte? Este país desaparece, suicida-se. Como nom reagirmos rápido...