A poesia de Cruz Martínez

Hoje deixo-vos com a poesia da viguesa Cruz Martínez. Desfrutade da provocaçom e a beleza das suas palavras. Conhecim-na em Combarro e gostei imenso da pequena mostra do seu trabalho que nos presenteou naquela esplendorosa tarde de Setembro.


ESVÁRANSE LETANÍAS, nos recunchos dun alma feble
Cínguese o crepúsculo no peito
Firen as xeladas apertas
Das terribles ausencias

Síntese a certeza dun caos que regresa
Onda ti, na media noite
E sabes
Que as lembranzas percorren os soños
Cando dormes
E fan da morte un acto certo

Quixeras ter alzheimer
Pasear polos corredores da ignorancia

Lástima, non ter algunha maña
E cambear o texto deste guión dramático
Do mesmo xeito que cambeas as bragas

Lástima non ser personaxe
Dun filme de Almodóvar
Onde o drama é consecuencia, visión
Dunha pantalla
Lástima