terça-feira, setembro 14, 2004

Notícias de cá e de lá

Hoje, vai outra de conteúdo variado. Primeiro, umha notícia triste; o Engenheiro Eduardo Parajuá faleceu em Buenos Aires. Era um vulto dentro da vida sócio – cultural da diáspora galega na Argentina, também sócio da ADIGAL e descípulo do José Bieito Abraira, do que já coláramos umha ressenha biográfica aquí.

Depois, outra notícia, mas esta de signo totalmente contrário. Para mim, polo menos, é umha notícia goçosa como podiam ser poucas. A nossa
antaruxa voltou ganhar um prémio; esta vez o Ánxel Casal. Grandes cousas som as que vai fazer esta rapariga. Nom tardaremos em vê-la na cimeira da literatura galega.

Quixera também fazer-vos um par de recomendaçons. Que visitárades
Vieiros e que lérades os artigos de Maurício Castro e Xosé Antón Dobao. Falam de umha maneira bem clara sobre algumhas questons que, desventuradamente, neste país, nom todo o mundo parece têr demasiado claras.

E por último, obrigado às amigas e amigos do Brasil, porque mais do dez por cento das visitas que este blog recebe, som daquela beira do Atlántico. Amanhá falarei um bocadinho de blogs do Brasil