sexta-feira, maio 19, 2006

...algum há de pensar que assim se chega a parte algumha

O optimismo ao que convidam algumhas situaçons, contrasta às vezes com a impotência que produzem outras. Este país move-se, mas a sua gente às vezes falha. Erramos os inimigos...ou se calhar nom. Se calhar algum está muito interessado em que aquí nom se mova umha mosca. Nom sei o problema que tenhem alguns pretensos progressistas com que a gente se mova sozinha, sem a sua apestosa e babosa tutela. Ao melhor o que se passa é que os acertos de uns, evidenciam as deficiências de outros. Ao melhor é isso. Quem sabe?

segunda-feira, maio 15, 2006

Re-apertura d'A Esmorga, já!!!

FECHE D'A ESMORGA
A ESMORGA , 13.05.2006 16:23, (Id: 7090)
O Centro Social d'A Esmorga (Ourense) vem de ser precintado pola polícia
local na tarde de onte, sexta-feira 12 de Maio, por ordem de Aurelio Gómez
Villar, concelhal de Comércio da cámara municipal.

nom nos calarám!
O Centro Social d'A Esmorga (Ourense) vem de ser precintado pola polícia
local na tarde de onte, sexta-feira 12 de Maio, por ordem de Aurelio Gómez
Villar, concelhal de Comércio da cámara municipal. A razom alegada por esta
é o incumplimento das normativas municipais relativas ao espaço físico do
local, normativa que nom se aplica a outros locais de ámbito associativo,
mas que neste caso é um pretexto para acabar com umha iniciativa
sócio-cultural que lhes resulta molesta demais.
As actividades convocadas pol'A Esmorga mantenhem os seus horários, mas vam
ser realizadas noutros espaços, mesmo na rua se for preciso.
Aliás, combinaremos hoje sábado às 18:00 na porta do centro social para
começar os actos de protesto, e depois todos os dias às 20:30 no mesmo local
para coordenar-nos.
Para qualquer outra informaçom ficam os contactos:
aesmorga@agal-gz.org
acaesmorga@yahoo.com.br
Podem fechar-nos com mil candados, mas esquecem que nós somos a chave!
Caixa dos correios:: aesmorga@agal-gz.org

segunda-feira, maio 08, 2006

Notícia triste

Hoje queria saudar a apariçom na rede de um novo blog em galego, ao que desde aquí desejamos a melhor das sortes. Lamentavelmente, apesar da satisfacçom que nos produz a apariçom desse novo blog em galego, também temos que dar a triste notícia do ataque sofrido polo blog do Meraio, que já levava algum tempo deleitando-nos com a sua denúncia, a sua ironia...alguém com umha covardia inorme e umha inveja ainda mais grande, provavelmente (ou se calhar com motivaçons mais escuras?) destroiu a prática totalidade do blog do Meraio. Desde o Portal Galego da Língua estám intentando recuperar todos os conteúdos do blog. Esperemos que tenham sucesso.
Desde logo nunca entenderei a aqueles que se dedicam a destroir...nom será bem mais gratificante e satisfactório construir?

domingo, maio 07, 2006

Luita operária nas ruas

Voltam os dias de barricadas, de piquetes, de corridas polas ruas. Greve no sector do metal. Greve dura e combativa. Tanto que se alçam já vozes reclamando umha repressom mais dura contra os grevistas. Nom tudo está perdido. As carrinhas policiais ouveam perante o avanço das columnas operárias. Nom tudo está perdido. As madrugadas voltam ter a música do escachar dos vidros e das vozes dos piquetes. Ainda nom tudo está perdido.