segunda-feira, novembro 27, 2006

Equador também se desvia à esquerda

Acabara de fazer umha entrada sobre as eleiçons em Equador, e escaralhou-se-me. De todos os jeitos, nada novo ia dizer, simplesmente que parece que América Latina se recupera do golpe da queda do Muro de Berlím, um acontecimento que tivo em jeque mate à esquerda durante polo menos umha década. Um tal Correa chegou à presidência do Equador. Nom gosta muito na Casa Branca, e há quem di que vai pola via de Evo Morales e Hugo Chávez. Será realmente que Latino América vive umha fase pré-revolucionária?

Veremos por onde vai o tal Correa, de facto ainda há muito que observar do próprio fenómeno Chávez. De todos os jeitos, já ia fazendo falta que se moveram as cousas.

domingo, novembro 19, 2006

Nova acçom antifascista em Ferrol

Ferrol: "Cruz dos Caídos" pintada de cor de rosa

Membros de NÓS-Unidade Popular tentárom tombar umha grande "Cruz dos Caídos" em Ferrol. Finalmente, problemas técnicos impedírom que caísse, mas ficou totalmente coberta de tinta cor-de-rosa, identificadora do antifascismo galego. A acçom decorreu ao meio-dia de hoje na ferrolana praça de Amboaje, onde desde tempos do franquismo permanece em pé umha cruz em pedra, de grandes dimensons, em homenagem aos fascistas mortos durante a guerra provocada polo golpismo franquista em 1936.

A acçom decorreu ao meio-dia de hoje na praça de Amboaje de Ferrol, onde desde tempos do franquismo permanece em pé umha cruz em pedra, de grandes dimensons, em homenagem aos fascistas mortos durante a guerra provocada polo golpismo franquista em 1936.A intençom das várias dúzias de integrantes da nossa organizaçom era derrubar a cruz, com ajuda de umha corda, mas finalmente nom foi possível. Daí que se optasse por pintá-la totalmente de cor de rosa e pendurar umha faixa com a legenda "Simbologia fascista fora da Galiza".As polícias espanhola e municipal ferrolana chegárom ao local quando a acçom simbólica já concluíra. Umha acçom que foi observada por numeroso público, sem que finalmente se produzisse nengumha actuaçom repressiva.A iniciativa fai parte da nossa campanha contra a permanência de símbolos que exaltam o fascismo em prédios oficiais e espaços públicos do nosso país, e acontece um ano depois de que membros da nossa organizaçom pintassem também de cor de rosa a fachada da casa natal do ditador espanhol, na mesma cidade de Ferrol.Se bem desta vez nom foi possível que a cruz fascista acabasse por cair, e em vista da passividade mostrada polas instituiçons públicas na eliminaçom desses símbolos, nom descartamos que numha nova ocasiom poda vir a culminar-se essa acçom de higiene, justiça e dignidade democrática.
Informaçom apanhada de www.nosgaliza.org

quarta-feira, novembro 15, 2006

O outro Mundial

Agora que a selecçom galega de futebol vem sendo um logro objectivo e consolidado (pois o aval do povo galego é um carimbo inapelável) toca ir pensando em espaços a conquistar. Fala-se nos foros de Vieiros de possíveis competiçons menores ou alternativas onde poder materializar umha reivindicaçom básica: a do direito dos desportistas galegos a competir. Duas competiçons cujo nome anda a soar som os Jogos da Lusofonia e a Viva World Cup, um mundial alternativo organizado pola NF-Board.

Chamou-me muito a atençom a existência desta espécie de "liga dos excluídos", onde há naçons sem estado e estados nom pertencentes à FIFA. Curiosamente, em próximas datas se vai celebrar a primeira ediçom deste singular evento. Desde este modesto blog, estaremos atentos ao desenvolvimento deste mundial alternativo.

sexta-feira, novembro 10, 2006

De novo, Palestina

Vai haver que sair às ruas de novo...o estado terrorista de Israel intensifica de novo as acçons criminosas contra a populaçom palestiniana. Sobram as palavras. Há que sair à rua...já!!!

A ver se o Tangaranho fai algo em breves.